Fredi Beleri padit kandidatin e PS, Ardit Bido: Do shihemi në gjyq, e vërteta nuk ka frikë nga fushatat

Pasi eurodeputeti Fredi Beleri bëri publik përmes avoktatit kallëzimin për shpifje që ka bërë në Gjykatën e Tiranës, ndaj Drejtorit të Përgjithshëm të Arkivit të Shtetit aktualisht kandidat për deputet i PS në Qarkun Vlorë, Ardit Bido, reagoi vetë Bido duke theksuar se Beleri ishte zhdukur prej rreth 1 viti dhe sapo mori vesh se ai kandidoj për Partinë Socialiste në Qarkun Vlorë, u shfaq papritur në Tiranë për të bërë shown e radhës.

Gjatë gjithë kësaj kohe, thotë kandidati i PS për deputet, Fredi Beleri nuk është paraqitur në asnjë seancë gjyqësore as për padinë që i ka bërë për shpifje, as për atë që ka bërë Ardit Bido ndaj tij.

“Ne do të shihemi në gjyq, dhe është mëse e sigurt që ai do ta humbasë dhe është mëse e sigurt që do të dënohet për shpifje. E vërteta nuk lidhet me fushatat elektorale – e vërteta është e tillë, sepse është!” thotë Ardit Bido në reagimin e tij përmes rrjetit social Facebook duke e siguruar se ka pasur qëndrimet e tij, ka qëndrimet e tij dhe do të ketë gjithmonë qëndrime të lidhura me të vërtetën.

Reagimi:

E vërteta nuk ka frikë nga fushatat

Fredi Beleri ishte “zhdukur” nga Tirana prej rreth 1 viti e gjysmë. Gjatë gjithë kësaj kohe, nuk është paraqitur në asnjë seancë gjyqësore – as për padinë që i kam bërë unë për shpifje, as për atë që ka bërë ai ndaj meje.

Por sapo mori vesh se unë kandidoj për Partinë Socialiste në qarkun Vlorë, u shfaq papritur në Tiranë për të bërë show-n e radhës.

Ne do të shihemi në gjyq, dhe është mëse e sigurt që ai do ta humbasë dhe është mëse e sigurt që do të dënohet për shpifje. E vërteta nuk lidhet me fushatat elektorale – e vërteta është e tillë, sepse është!

Unë jam Ardit Bido. Kam pasur qëndrimet e mia, kam qëndrimet e mia dhe do të kem gjithmonë qëndrime të lidhura me të vërtetën.

Mirupafshim, Fredi!