Friedrich Ebert Stiftung sot prezanton një Draft-Statut për Asociacionin
Fondacioni Friedrich Ebert Stiftung, FES, sot në Prishtinë prezanton një Draft-Statut për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe, EIP.
“Fondacioni Friedrich Ebert, FES, në Prishtinë do të prezantojë dhe diskutojë rezultatin e punës sonë për një draft statut për një “Asociacion të Komunave në Republikën e Kosovës në të cilën komuniteti serb i Kosovës është shumicë”, të hartuar në partneritet me Institutin Evropian për Paqe, EIP,” njofton Fondacioni Friedrich Ebert Stiftung, FES.
Zyra Friedrich-Ebert-Stiftung në Prishtinë ishte prezente në diskutimet publike dhe politikëbërjen për shumë çështje të ndryshme politike, ekonomike dhe sociale ndonëse nuk ka ndonjë gjurmë të theksuar për një projekt të caktuar, ndërkohë sot pritet rezultati final lidhur me një Statut të Asociacionit për të cilin politika kosovare nuk ka zgjidhje deri më sot.
“Si pjesë e programin tonë, ne synojmë ta forcojmë Kosovën si partner për paqen dhe sigurinë në rajon dhe ta mbështesim agjendën e saj politike të përkushtuar për integrimin në BE. Vitin e kaluar, ne bashkuam forcat me Institutin Evropian të Paqes, EIP, dhe organizuam një seri të përbashkët të seminare në vitin 2022 për çështjet e pazgjidhura të normalizimit ndërmjet Kosovës dhe Serbisë. Nëpërmjet këtyre seminare që diskutuam dhe trajtuam çështjet dhe sfidat më urgjente në lidhje me zbatimin e marrëveshjes së parë për normalizimin e marrëdhënieve ndërmjet Kosovës dhe Serbisë, e cila i parapriu hartimit të Statutit,” shprehet Fondacioni Friedrich Ebert Stiftung, FES, duke theksuar se ky Draft është produkt i partneritetit mes dy organizatave dhe nuk përfshin asnjë palë të tretë.
“Procesi i hartimit të statutit përfshinte konsultime me ekspertë, akademinë dhe profesionistët që punojnë ose përfshihen në dialogun e Brukselit. Prandaj, në një mjedis shumë të instrumentalizuar politikisht, botimi duhet parë më tepër si një pikënisje për një kontribut të bazuar në dëshmi. Puna jonë u drejtua vetëm nga motivimi për të kontribuojnë në fillimin e një diskutimi publik thelbësor dhe ofrimin e rekomandimeve tona të formësuar ekspertizën e duhur vendore dhe ndërkombëtare – siç kemi bërë në të kaluarën për çështje të ndryshme politike dhe socio-ekonomike,” thekson Fondacioni Friedrich Ebert Stiftung, FES, në Prishtinë, për të cilin Statut qytetari joserb i Kosovës nuk pret një zgjidhje për të kënaqur orekset e partive politike por për ti dhënë fund tensioneve që prodhojnë tensione edhe pas Planit ideal të Ahtisarit për çdo pakicë në botë.
