FRPD: Basha, oksigjen i Edi Ramës! Basha: Berisha, tub oksigjeni i Edi Ramës!

Thirrjes publike të Forumit Rinor të Partisë Demokratike që të jap dorëheqje sepse çdo minutë e tij i jep oksigjen korrupsionit, varfërisë dhe Edi Ramës, Kryetari i PD, Lulzim Basha, iu përgjigjë me akuzë duke theksuar se Sali Berisha është kthyer në një tub oksigjeni për regjimin e Edi Rames dhe ai është i vendosur t’a këpus.

“Koha e Sali Berishës ka mbaruar. Bashkë me të ka mbaruar edhe koha e mandateve të skaduara dhe përdorimit të PD-së dhe forumeve të saj për interesa personale. Asgjë dhe askush nuk do ta kthejë PD-në në një bunker për interesat personale të Sali Berishës,” përsërit edhe sot pas “Foltores” me të rinjtë Kryetari i Pd, Lulzim Basha, duke shtuar se Partia Demokratike ka lindur si një aspiratë e popullit shqiptar për liri dhe demokraci, dhe është shpresa e shqiptarëve për të zgjidhur hallet e tyre të shumta, dhe halli me i madh i shqiptarëve sot është regjimi i Edi Ramës.

Për këtë hall ai dhe akuzua nga FRPD nga “Foltorja” me të rinjtë, dhe duke moso lëvizur nga oskigjeni shtoi:

“Prej javësh, me zdërhalljet e tij Sali Berisha është kthyer në një tub oksigjeni për regjimin e Edi Rames. Unë jam i vendosur t’a këpus edhe këtë tub oksigjeni për regjimin e Edi Ramës!”

Nryshe, sot Sekretari i FRPD, Rigels Muçollari, i bëri thirrje nga “Foltorja” Kryetarit të PD, Lulzim Basha, që të jep dorëheqje një orë e më parë ndërsa e akuzoi se po intimidon PD, dhe FRPD-në që anëtarët mos të jenë më pjesë e saj.

“Zoti Basha, jepini fund marrëzisë, jepni dorëheqje një minutë e më parë. Çdo minutë e jotja i jep oksigjen korrupsionit, varfërisë dhe Edi Ramës. Zoti Basha, jepni dorëheqje dhe ruaj një fije dinjitet për veten tuaj!” thirrje të cilës lideri historik Sali Berisha iu përgjigj në çast: “S’e lejoj me dhënë dorëheqje, do ta heqim!”