Frymëzues Saliu dhe Iliri, Edi Rama kërcënon: Sabotimi s’do tolerohet! Organizatorët…

Pas pezullimit të fluturimeve nga Aeroporti i Rinasit si pasoja e grevës së kontrollorëve të fluturimit dhe reagimit të Presidentit Meta, reagon edhe Kryeministri Edi Rama i cili duke akuzuar Sali Berishën dhe Ilr Metën si frymëzues të kësaj lëvizje kërcënon organizatorët se do të kallzohen penalisht dhe do të përballen me ligjin, që ndalon rreptësisht ndërprerjen e aktivitetit të kullës nga ana e kontrollorëve!

“Sabotimi i rëndë i aktivitetit të Aeroportit “Nënë Tereza” nuk do të tolerohet! Frymëzuesit e kësaj lëvizjeje të çartur çartiste, Saliu që gjuan me gurë digjitalë dhe Iliri, që hedh gurin e markës “Leshko” dhe fsheh dorën, duan mbylljen e aeroportit për të mos ardhur vaksinat,” thekson Edi Rama në reagimin e tij përmes rrjetit social Twitter jo duke kërkuar zgjidhjen e situatës por duke kërcënuar:

“Organizatorët do të kallzohen penalisht dhe do të përballen me ligjin, që ndalon rreptësisht ndërprerjen e aktivitetit të kullës nga ana e kontrollorëve! Të tjerët duhet të vendosin menjëherë: O me shtetin në punë o me antishtetin në një proces penal për cënim të sigurisë kombëtare!”

Ndryshe, greva e 65 punonjësve të Albcontrol ka pezulluar përkohësisht fluturimet në Aeroportin Nënë Tereza deri nesër në orën 10:00. Në situatën e krijuar ka reaguar Presidenti i Republikës, Ilir Meta duke kërkuar nga kontrollorët e flutuirmeve ti kthehen punës ndërsa everisë të gjejë një zgjiidhje të drejtë!