“Fshehu pasurinë”, GJKKO vendos 1 vit shërbim prove për Ish-Kryetarin e Gjykatës Kushtetuese

Me akuzën për fshehje të pasurisë, SPAK kërkoi 1 vit burg për Ish-Kryetarin e Gjykatës Kushtetuese, Bashkim Dedja, ndërsa sot Gjykata e Posaçme, GJKKO, vendosi që Dedja të dënohet me 1 vit shërbim prove.

Ish-Kryetari i Gjykatës Kushtetuese, thekson Prokuroria, ka fshehur në deklarime një apartament të ndodhur në kompleksin “Ormars” në Golem. Gjithashtu ka bërë deklarim të rremë të burimit të krijimit të apartamentit në Tiranë me sipërfaqe 146 m2, lidhur me një hua të marrë nga kunati i tij. Për 10 mijë euro të marra hua nga Bashkim Dedja sipas SPAK, nuk justifikohen nga personi që ia ka dhënë.

Akuzat Bashkim Dedja i ka hedhë poshtë:

“Sa i takon huasë 10 mijë euro, janë të kunatit dhe ka punuar në emigrim dhe janë të deklaruar të ardhurat nga emigracioni. Sa i takon apartamentit në Tiranë kam marrë kredi për të, dhe do paguaj deri në vitin 2023.”