Fshehu pasurinë, SPAK kërkon 1 vit burg për Ish-Kryetarin e Gjykatës Kushtetuese

Prokuroria e Posaçme Kundër Korrupsionit dhe Krimit të Organizuar kërkon një vit burg për Ish-Kryetarin e Gjykatës Kushtetuese, Bashkim Dedja të akuzuar nga SPAK për “fshehje dhe mosdeklarim të pasurisë” .

Sipas SPAK, Ish-Kryetari i Gjykatës Kushtetuese ka fshehur në deklarime një apartament të ndodhur në kompleksin “Ormars”, Kryemëdhenj, Golem.

Gjithashtu ai ka bërë deklarim të rremë të burimit të krijimit të apartamentit në Tiranë me sipërfaqe 146 m2, lidhur me një hua të marrë nga kunati i tij. Për 10 mijë euro të marra hua nga Bashkim Dedja sipas SPAK, nuk justifikohen nga personi që ia ka dhënë.

Në fund, për të konfirmuar se SPAK kujdeset për zyrtarët e lartë, në zbatim të nenit 59, kërkon pezullimin e ekzekutimit të dënimit dhe vendosjen në shërbim prove për 2 vite.