Fshesa e Edi Ramës, risia e rilindasve komunistë në Athinë

Ndryshe nga herë të tjera ku shqiptarët janë mësuar të përjetojnë fshesat greke nga më të ndryshme, sot rilindasit komunistë vinë me shpikjen më të re falë imagjinatës së Kryeministrit Edi Rama:

Fshesës së shqiptarëve drejt Greqisë, aty ku lideri i tyre ka miting dhe duhet të mbushet salla me komunistë shqiptarë se s’bënë!

Në përvjetorin e arrestimit të Kryetarit të zgjedhur të Bashkisë Himarë, Fredi Beleri dhe në kulmin e fushatës për zgjedhjet evropiane në Greqi, Edi Rama zgjodhi ditën e 12 majit për të takuar shqiptarët që jetojnë në shtetin fqinjë, por përveç ekzaltimit të krenarisë, çuditërisht nuk ka asnjë mesazh të qartë që shihet dhe nga videoja që postoi mëngjesin e sotëm para nisjes drejt Athinës, ku në orën 11:00 mbanë mitingun.

E para, Edi Rama zgjedhë përvjetorin e arrestimit të Kryetarit të zgjedhur të Bashkisë Himarë, Fredi Beleri dhe për mediat greke thotë se nuk do ta përmend fare në fjalën e tij.

E dyta, kritikoi ashpër Kryeministrin e Kosovës, Albin Kurti, kur mbante takime në kohën e fushatës zgjedhore në Shqipëri, ndërkohë në pikun e fushatës zgjedhore në Greqi, ai i tregon forcën Kryeministrit grek Mitsotakis që e ka në tokën greke me votues shqiptarë që i binden atij dhe vetëm atij!

Në fund, si mund të jetë krenar një njeri me diasporën kur ditë më parë e bëri të qartë se nuk do të lejoj përfshirjen e tyre në Kod Zgjedhor, për zgjedhjet e vitit 2025!

Apo, krenari është ti fusësh shqiptarëve një fshesë në tokën e tyre, dhe mos t’u lësh të qetë as ditën e dielë duke i detyruar të shkojnë dhe ta mbushin sallën në Athinë, aty ku Kryeministrit të Shqipërisë apo siç tha vetë, Kryeministrit të Zahos, iu ka tek ta mbajë një tubim të pakuptimtë, një vit para zgjedhjeve parlamentare!