FSHF i kthehet futbollit, Edi Rama përdor Armand Dukën për grevën e naftëtarëve!
Bojkoti dha efekt, tha Presidenti i Federatës Shqiptare, FSHF, Armand Duka, pas mbledhjes së sotme që Liga Profesioniste zhvilloi në ambientet e stadiumit “Air Albania”, ku u vendos t’i jepet fund bojkotit të kampionatit. Vendimin e mirëpriti Kryeministri Edi Rama jo se ishte i shqetësuar me bojkotin e Ligës Profesioniste të Futbollit të cilin e quajti absurd, por i bëri thirrje naftëtarëve të marrin shembull nga Duka:
“E përshëndes fundin e bojkotit absurd të Ligës Profesioniste të Futbollit dhe rifillimin e kampionatit të dielën! Tani po,gati të flasim me Federatën Shqiptare të Futbollit për të zgjidhur me mirëbesim e mirëkuptim hallet e Ligës,” thekson Kryeministri Edi Rama në reagimin e tij përmes rrjetit social Facebook duke përfunduar:
“Uroj që naftëtarët të marrin shembull. Unë jam gati!”
Ndryshe, kreui i FSHF-së, Armand Duka, pasi nuk arriti sukses me bojkotin dhe presionet mediatike, siç bënte me Kryeministrin Berisha duke e sulmuar me të gjitha mjetet duke përfshirë FIFA dhe UEFA-n, ai iu bind urdhërit të Edi Ramës për të ndërprerë bojkotin nëse dëshirojnë negociata.
“Vendosëm që do të fillojmë aktivitetin ditën e diel, që do të jetë turni i parë i Kupës së Republikës, ndërkohë që ditën e diel fillon kampionatin. Bojkoti dha efekt. Jemi në rrugë të mbarë. Kam pasur takime të vazhdueshme, me qeverinë, jemi në rrugën e mbarë për t’i zgjidhur gjërat. Ka dakordësi për kërkesat. Kryesorja është të shohim futboll. Ky ishte vendimi më i drejtë për futbollin në këtë moment,” tha Armand Duka, jo ai i fillimit të bojkotit ose i plotëfuqishmi i FSHF, por thjeshtë një nënpunës që e kuptoj se futbollin shqiptar mund ta ketë në dorë vetëm nëse këtë e lejon Kryeministri, ky aktuali, pra, Edi Rama, dhe e vulosi fundin e bojkotit:
“Ne nuk bëjmë presion, kërkojmë bashkëpunim për të realizuar objektivat. Të gjithë jemi për një qëllim. Nuk jemi për herë të parë në vështirësitë e stadiumeve. E vendosë ta fillonim me Kupën, duke mos pasur shumë kërkesa për stadiumet, në mënyrë që ti përgatisim të mërkurë.”
Tashmë me formulën e ndërprerjes së bojkotit dhe certifikimin nga Armand Duka të arritjes së qëllimeve, Kryeministri Edi Rama pritet të takoj naftëtarët dhe jo vetëm!
