FSHS, Sot pedagogët fillojnë grevën. Më pas Albin Kurti…

Sot në orën 09:00, në Fakultetin e Shkencave Sociale të Univeristetit të Tiranës, FSHS, pedagogët fillojnë zyrtarisht grevën duke ju bashkuar studentëve në bojkot, ndërkohë studentët në pritje të plotësimit të kërkesave të tyre nga kryeministrit, edhe për sot kanë organizuar një program akademik.

Në orën 10:00 para studentëve të Fakultetit të Shkencave Sociale që vazhdojnë bojkotin do të ligjëroj, kryetari i Lëvizjes Vetëvendosje, Albin Kurti, me temën:

“Protestat studentore, aktualiteti dhe arsimi publik!”

Për orën 12:00 është parashikuar shfaqja e një dokumentari ndërsa për orën 14:00 Aktivitete muzikore dhe poetike.

Unionit Studentor i Fakultetit të Shkencave Sociale të Univeristetit të Tiranës edhe për këtë të hënë të 4 Shkurtit ka një mesazh të qartë:

“E hëna na gjen më entuziastë dhe më të bashkuar se kurrë. Greva e pedagogëve i përgjigjet më së miri ditëve tona të bojkotit aktiv. Greva e pedagogëve është hapi që na çon fare pranë arritjes së synimit të studentëve për shfuqizimin e ligjit për arsimin e lartë dhe në rrugën e gjatë për universitete dinjitoze. 
Pedagogët dhe studentët janë të vendosur që së bashku të çojnë përpara arsimin. 
Studentët dhe pedagogët e bashkuar kanë për te fituar”