FSK me mision në Kuvajt, Presidentja e Kosovës: Ditë historike! Zoti ju ruajt…

Ditë historike! Kështu e vlerësoi Ushtruesja e Detyrës së Presidentes së Kosovës, Vjosa Osmani sot ditën kur kontigjenti i Forcës së Sigurisë së Kosovës, FSK, po bëhet pjesë e misionit të parë paqeruajtës në botë, ku do jenë krah ushtrisë amerikane në Kuvajt.

“Kam ardhur t’ju them Zoti ju ruajt dhe faleminderit,” tha Vjosa Osmani para ushtarëve të FSK-së duke shtuar:

“Misioni gjashtë mujor po bëhet i mundshëm falë partneritetit me Shtetet e Bashkuara të Amerikës, me ushtrinë amerikane, paqeruajtësit tanë do të jenë krah tyre në këtë mision fisnik.”

“Ky kontingjent është i vogël në numër por i madh në përmbajtje dhe mesazh. Këta djem po shkruajnë historinë e re të Kosovës,” tha me këtë rast Presidentja Osmani duke konstatuar se Kosova e bëri lirinë dhe ndërtoi paqen bashkë me miqtë ndërkombëtarë.

“Si politikanë ndonjëherë mund edhe të mos pajtohemi e të debatojmë ashpër, Kjo është pjesë e demokracisë sonë, por kur bëhet fjalë për vajzat dhe djemtë tanë në uniformë, për ushtrinë tonë, si politikanë dhe qytetarë ne qëndrojmë të gjithë të bashkuar,” tha Presidentj e Kosovës, Vjosa Osmani duke përfunduar:

“Ne te gjithë jemi krenar me ju!”