Ftesa ruse nga EAEU, mediat në shërbim të Edi Ramës i bëjnë karshillëk BE-së
Pasi Kryeministri Edi Rama kundërshtoi darkën e fundit me Përfaqësuesen e Lartë për Politikë të Jashtme dhe Siguri pranë BE, Federica Mogherini, edhe pse kjo e fundit i shërbeu më shumë se askush politikës shkatërrimtare të rilindjes, sot mediat në shërbim të Ramës lançojnë një deklaratë të Përfaqësuesit Përhershëm të Rusisë në BE, Vladimir Chizhov, të dhënë pesë ditë më parë në Forumin Ekonomik Eurazian, në Verona, duke i bërë karshillëk Bashkimit Evropian se Shqipëria ftohet edhe nga Bashkimi Euroasian Ekonomik, EAEU, e cila mbajti dhe Forumin në fjalë.
Mediat në shërbim të Edi Ramës, duke cituar Përfaqësuesin e Përhershëm të Rusisë në BE, Vladimir Chizhov, nga fjala e mbajtur në Forumin Ekonomik Eurazian në Verona, theksojnë se “është e sigurt se vendet, të cilat janë kandidate për anëtarësim në BE dhe së fundmi janë ‘ngrire’ nga Brukseli, mund të kenë më shumë përfitime në EAEU”.
Dhe jo vetëm kaq. Duke mos dhënë kurrfarë informacioni se çfarë është ky Bashkim EAEU dhe pse ishte zhvilluar Forumi në Verona, ata flasin për mirëkuptimin rus që do ta gjejnë në unionin i cili problemin më të madh aktualisht e ka përdorimin e dollarit në tregti dhe sanksionet amerikane:
“Shqipëria dhe Maqedonia e Veriut do të gjejnë mirëkuptim më shpejt në EAEU sesa në BE,” është shprehur Vladimir Chizov duke nënvizuar zhgënjimin e dy vendeve pas refuzimit për çeljen e negociatave nga BE.
Mediat në shërbim të Edi Ramës dhe jo vetëm, për ta kuptuar absurditetin e këtij karshillëku duhet ta dinë se Bashkimi Euroazian Ekonomik, EAEU, është bashkim i shteteve me bashkëpunim politik, ekonomik, ushtarak, doganor, dhe humanitar në rajonin e Euroazisë. Meqë Edi Rama është i vonuar për çdo gjë dhe vetëm për propagandë jo, duhet ta dijë se Shqipëria është anëtare e NATO-s dhe Maqedonia e Veriut nga Janari i vitit 2020 do të jetë pjesë e Aleancën Veriatlantike, dhe vetëm karshillëk nuk i bëjnë dot Bashkimit Evropian.
Nëse Edi Ramës i ha meraku për Rusinë, nuk ka nevojë për propagandë dhe karshillëk sepse mund ta bëjë vetëm atë që bëri Serbia, ose më saktë Kryeministrja Ana Brnabiç duke firmosur Marrëveshjen e Tregtisë së Lirë me EAEU deri në anëtarësimin e plotë në BE kur marrëveshje të këtij lloji bëhen nul.
Në fund, mirë që nuk bënë asgjë Kryeministri Edi Rama por as këshilltari i tij kroat Ish-Kryeministri Zoran Milanoviç. Të paktën të na kishte kursyer nga idiotzima të këtij lloji. Ndryshe, ai me Drejtorin Ekzekutiv të gjigantit energjetik rus, Rosneft, Igor Sechin, do të arrinte marrëveshje kur ishte vetë Kryeministër dhe Sechin deklaronte se “në rast se Rosneft futet në strukturata e pronësisë së kompanisë kroate të naftës INA, do ta modernizoj rafinerinë në Rijekë dhe Sisak.” Por nuk e bëri, PSE e din ai ashtu si dhe Edi Rama që flet gjithë ditën për amerikanët.
E për këta analfabetët mediatik që i shërbejnë Edi Ramës me ose pa dashje, Forumi Ekonomik Eurazian që u zhvillua në Verona, i shërbeu Drejtorit Ekzekutiv të gjigantit energjetik rus, Rosneft, Igor Sechin, ta bëjë publik lajmin se kompania e tetë në botë e naftës dhe gazit për nga të ardhurat dhe prodhuesja më e madhe me sasi dhe rezerva, sapo ka realizuar kalimin nga dollari në euro për marrveshjet e eksportit. Arsyeja është e thjeshtë dhe këtë e dinë si Edi Rama ashtu dhe Milanoviç: Sanksionet e Shteteve të Bashkuara që i kanë vendosur Rusisë!
Për ti bërë karshillëk BE-së, Moskës nuk i duhet asnjë Forum. E nëse kjo i duhet Edi Ramës ose qoftë dhe interesimi rus për Shqipërinë para se ta lançojë atë Rezoltën primitive për ndërhyrjet e huaja në proceset elektorale dhe desinformimin e në proceset demokratike kombëtare, kjo nuk është çështje e mediave që i shërbejnë, sepse e bënë edhe më shumë qesharak Kryeministrin i cili për 6 vjet nuk luftoi asgjë dhe nuk ka arsye ta luftoj ndikimin e Moskës në Tiranë.
