Më 13 Prill/ Vlorë, Basha: Largimi i Edi Ramës, kusht i panegociueshëm!

Kryetari i Partisë Demokratike, LulzimBasha, duke e bërë të qartë se nuk ka kompromis dhe dialog me Edi Ramën, ftoi nga Vlora qytetarët që të marrin pjesë në protestën e madhe të 13 Prillit për të bërë të mundur largimin e tij dhe ndërtimin e Shqipërisë së standardeve europiane.

Këto 6 vjet tha Lulzim Basha i kanë shërbyer Edi Ramës për të ndërtuar një Shqipëri paralele, përmes bashkëpunimit me krimin: qeverisjen e padrejtë kundër shumicës së shqiptarëve dhe pasurimin marramendës të vetes dhe pakicës që i shërben.

 “Kanë krijuar këtu dy Shqipëri, Shqipërinë e shumicës dërrmuese të shqiptarëve, të përjashtuar nga shanset për një jetë më të mirë, të përjashtuar nga punësimi dinjitoz, të përjashtuar nga kujdesi shëndetësor minimal, të përjashtuar nga një system arsimor dinjitoz për fëmijët, të përjashtuar nga siguria për jetën. Dhe Shqipëria tjetër, Shqipëria e një grushti njerëzish, që kur 38 mijë baballarë dhe nëna përfundojnë në qeli se s’kanë të paguajnë faturat e energjisë, të rritura në maksimum, këta, edhe kur kapen duke vjedhur në aferat më të përbindshme korruptive që ka njohur Shqipëria, prokuroria e kapur ka frikë edhe t’i thërrasë e t’i pyesë.”

Prandaj krekosen sepse janë të pandëshkueshëm, janë mbi ligjin. Këto dy Shqipëri janë të papajtueshme me njëra-tjetrën. Njëra do të qëndrojë e tjetra do të zhduket. Dhe për atë Zot, Shqipëria që do të qëndrojë është Shqipëria e shumicës së shqiptarëve dhe ajo që do të zhduket është e pakicës, që ka vetëm një vend, burgun, prangat dhe drejtësinë.

E vetmja garanci për një jetë të sigurtë për shqiptarët, sipas liderit të opozitës, është bashkimi i tyre me protestën kombëtare për të ndalur sundimin e korruptuar të një kryeministri ilegjitim.   

“Për t’i dhënë fund pasigurisë dhe për t’u zotuar se në Shqipëri, ky popull, nën këtë Zot, dhe nën lidershipin e opozitës së bashkuar, me në krye Partinë Demokratike të Shqipërisë, nuk do të pranojë më asgjë më pak se standartet evropiane të demokracisë, të zgjedhjeve të lira e të ndershme dhe të drejtësisë evropiane. Ne kemi dalë nga strofka politike e krimit, ne jemi sot e gjithë ditën, deri në fitoren e kësaj beteje, në krahun e qytetarëve të thjeshtë e të lirë të këtij vendi.”

Në fund, kryetari i Partisë Demokratike, Lulzim Basha duke shprehur vendosmërinë e opozitës për një betejë pa kthim deri në largimin e Edi Ramës dhe krijimin e një qeverie tranzitore si parakusht për dialogun politik, para qyterarëve të Vlorës e tha qartë dhe prerë: “Nuk ka, as nuk ka për të patur asnjë çedim nga objektivat e Partisë Demokratike të sanksionuara nga djegia e mandateve. Djegia e mandateve është hapi më moral, politik dhe legjitim. Nuk ka kompromis dhe dialog me Edi Ramën. Largimi i Edi Ramës është kusht i panegociueshëm i Partisë Demokratike dhe i opozitës së bashkuar.”

“Nuk ka, as nuk ka për të patur asnjë çedim nga objektivat e Partisë Demokratike të sanksionuara nga djegia e mandateve. Djegia e mandateve është hapi më moral, politik dhe legjitim. Nuk ka kompromis dhe dialog me Edi Ramën. Largimi i Edi Ramës është kusht i panegociueshëm i Partisë Demokratike dhe i opozitës së bashkuar.”