Ftesë për pjesëmarrje, DPA: Konferenca e VI-të Mbarëkombëtare e Arkivistikës në Boletin

Drejtoria e Përgjithshme e Arkivave, DPA, duke bërë të ditur se në bashkëpunim me Agjencinë Shtetërore të Arkivave të Kosovës, ASHAK, organizon Konferencën e VI-të Mbarëkombëtare të Arkivistikës në Boletin më 10 dhe 11 qershor 2022, fton studiuesit, nëpunësit dhe të gjithë të interesuarit e kësaj fushe të marrin pjesë në konferencë me studime, ide dhe propozimet e tyre.

“Crowdsourcing: konteksti dhe metadatat e dokumenteve të krijuara prej përdoruesit; Automatizimi i arkivave dhe etika; Siguria kibernetike dhe administrimi i të dhënave; Risitë digjitale dhe shfrytëzimi i dokumentacionit; Zhvillimi i njëtrajtshëm përmes bashkëpunimit me komunitetin; Trashëgimia arkivore e përbashkët, përtej kufijve politik; Arkivat, përgjegjësia, aksesi në të dhënat dhe mbrojtja e të dhënave personale; Bashkëpunimi rajonal në fushën e arkivave dhe trashëgimisë kulturore arkivore; Trafiku ilegal i trashëgimisë dokumentare; Etika dhe arkivat; Ndryshimet klimaterike dhe arkivat; Trajnimi arkivor dhe përmirësimi profesional dhe Turizmi dhe promovimi i arkivave,” janë temat e propozuara, thekson DPA duke ftuar të interesuarit që për informacione të mëtejshme të konsultohen në faqet e web www.arkiva.gov.al dhe asha-ks.net.

Njoftim:

Në vazhdën e konferencave të zhvilluara në Shqipëri, në Kosovë, në Maqedoni të Veriut dhe në Mal të Zi, arkivistët prej të gjitha trevave do të mblidhen kësaj here në Boletin në datat 10 dhe 11 qershor 2022.

Drejtoria e Përgjithshme e Arkivave (DPA) në bashkëpunim me Agjencinë Shtetërore të Arkivave të Kosovës (ASHAK) do të organizojë Konferencën e gjashtë Mbarëkombëtare të Arkivistikës.

Qëllimi i kësaj konference është të mbledhë ekspertët dhe studiuesit e arkivave të vendeve shqipfolëse dhe të arkivave të rajonit, të cilët diskutojnë çdo vit për problematikat, metodologjinë e studimit, dixhitalizimin dhe përmirësimin e infrastrukturës së përmbajtjes, inovacionin, si dhe vizionit të punës së arkivave në realitet e sotme.

DPA-ja fton studiuesit, nëpunësit dhe të gjithë të interesuarit e kësaj fushe të marrin pjesë në konferencë me studime, ide dhe propozimet e tyre. Veç arkivistëve të rrjeteve arkivore kombëtare, ftesa për pjesëmarrje u drejtohet të gjithë profileve të tjerë të arkivistëve, institucioneve që ruajnë apo atyre që ndërveprojnë me ruajtjen e kujtesës kolektive.

Abstraktet duhet të jenë jo më shumë se 300 fjalë dhe pranohen deri më datë 1 prill 2022 në gjuhën shqipe ose anglisht në faqet zyrtare të dy institucioneve dpa@arkiva.gov.al dhe ark.kosoves@rks-gov.net.

Temat e propozuara janë: Crowdsourcing: konteksti dhe metadatat e dokumenteve të krijuara prej përdoruesit; Automatizimi i arkivave dhe etika; Siguria kibernetike dhe administrimi i të dhënave; Risitë digjitale dhe shfrytëzimi i dokumentacionit; Zhvillimi i njëtrajtshëm përmes bashkëpunimit me komunitetin; Trashëgimia arkivore e përbashkët, përtej kufijve politik; Arkivat, përgjegjësia, aksesi në të dhënat dhe mbrojtja e të dhënave personale; Bashkëpunimi rajonal në fushën e arkivave dhe trashëgimisë kulturore arkivore; Trafiku ilegal i trashëgimisë dokumentare; Etika dhe arkivat; Ndryshimet klimaterike dhe arkivat; Trajnimi arkivor dhe përmirësimi profesional dhe Turizmi dhe promovimi i arkivave.

Për informacione të mëtejshme, ju ftojmë të konsultoni njoftimet e përditësuara në faqet web të DPA-së www.arkiva.gov.al dhe të Agjencisë Shtetërore të Arkivave të Kosovës asha-ks.net/