Ftesë zyrtare nga Edi Rama apo jo/ Milanoviç gënjeu, Komiteti për konflikt interesi: Presidenti duhet të sqaroj pse ishte në Shqipëri!

Tashmë është e qartë se Presidenti i Kroacisë, Zoran Milanoviç, mashtroi opinionin kroat dhe Komitetin për përcaktimin e konfliktit të interesit për qëllimin e vizitës së tij në Shqipëri ndonëse në vendin tonë nuk e çanë askush kokën pse Edi Rama abuzon me fondet dhe pasurinë publike.

Kështu, sot Zoran Milanoviç nuk u prononcua në Grubor, por Zyra e tij tha se presidenti më 12 dhe 13 Gusht nga Hvari ka shkuar në Shqipëri me ftesë të Kryeministrit Edi Rama, në kuadër të detyrave të presidentit kështu që shpenzimet e rrugës janë mbuluar nga buxheti ndërsa akomodimi nga nikoqiri. Zyra e Presidentit ka përsëritur se Zoran Milanoviç nuk e ka këshilluar kryeministrin shqiptar arsye kjo që është denoncuar për konflikt interesi.

Kryetarja e Komitetit për përcaktimin e konfliktit të interesit, Natasha Novakoviç, për RTL konfirmoi se përgjigja ka mbërritur pasditen e së martës por të dhënat janë kontradiktore.

“Komiteti ka një shkresë nga Zyra e tij ku mediat informohen se më 12 dhe 13 gusht ai do të mungojë sepse ka një udhëtim privat në Shqipëri. Nga ana tjetër ne kemi marrë shkresën ku thuhet se ishte në udhëtim zyrtar. Ende nuk kemi marrë dokumentet që i kemi kërkuar për të vërtetuar ato që thotë Zyrtari. Duhet ta përsërisim shkresën në mënyrë që të marrim dokumentacionin e nevojshëm ku do të shihet se kush i ka paguar shpenzimet e rrugës, pse ka shkuar, a ka shkuar zyrtarisht ose jo, sepse të dhënat e servirura deri më sot nuk mjaftojnë,” tha Novakoviç duke shtuar se Komiteti do të vazhdoj të merret me këtë çështje.

Kryetarja e Komitetit për përcaktimin e konfliktit të interesit, tha se udhëtimet e Zyrtarëve të lartë gjithmonë kanë zgjuar interes ndërsa kujtoi rastin me Ish-Presidenten Kolinda Grabar Kitaroviç në SHBA, udhëtimin në Helsinki, për të cilin, ajo tha se kurrë nuk mori dokumentacionin e kërkuar.

“Shpresoj që ky të mos jetë edhe një Helsinki dhe do të kemi mundësi të marrim dokumentacionin për të vërtetuar nëse kishte shkelje, dhe të mbyllim çështjen.”

Ndryshe, ky nuk është mashtrimi i parë i Zoran Milanoviçit që lidhet me Shqipërinë. Kujtojmë që qeveria Rama nisi procedurat për të shpallur një tender ndërkombëtarë për dhënien me PPP të sistemit të tatimeve me vlerë rreth 16 mln euro, ku aplikoi dhe konsorciumi Neos D. O. O+Datech shpk+ Jehona Software. PD e kauzoi Ramën për tender të paracaktuar ku do të fitoi një kompani kroate. Dhe Edi Rama nuk zhgënjeu miletin shqiptar që nuk çanë kokën; Në Tetor të vitit 2018 shpalli fituese pikërisht të njëjtin konsorcium.

Tre muaj pasi fitoi tenderin me vlerë 16 mln euro, kompania Jehona Software shiti aksionet e saj kompaninë kroate Primus Adriatic. Sipas dokumentave dhe kontratës së shitjes së aksioneve vlera e aksioneve të shitura ishte 45.865 euro dhe kontrata e shitjes u firmos në Dhjetor 2018 nga të dyja palët. Pse shiti kompania aksionet e saj me një vlerë më pak se 10% e vlerës së PPP-së u zbulua shumë shpejtë pasi u kuptua se pas kompanisë Primus Adriatic qëndron Hrvoje Çabrajiq, mik i afërt i presidentit aktual të kroacisë, Milanoviç. Çabrajiq mashtrues sikur se miku i tij Milanoviç, deri më sot ka marr nga buxheti i shtetit shqiptar 10 mln euro ndërkohë që implementimi i programit të fiskalizimit është shtyrë nga qeveria shqiptare.

Meqë në Shqipëri ILDKPI dhe Autoriteti i Konkurrencës janë të pakumptimtë ashtu sikur se reagimi i shoqërisë shqiptare, nuk është çudi që marrëzia e vjedhjes nga buxheti i shtetit tashmë ka kaluar edhe kufijtë shqiptar.