Fundi i cirkut komunist/ Akuzon Metën por Edi Rama do ta votonte prap President! Rezoluta…

Nga 8 Qershori kur Presidenti i Republikës bëri të ditur se do të Dekretoj anulimin e datës së zgjedhjeve 30 Qershor deri më sot kur hypi në foltoren e parlamentit, Kryeministri Edi Rama, Ilir Meta është akuzuar për shumë vepra penale dhe jo vetëm. Sot madje Edi Rama tha se Metës i janë falur më shumë se askujt tjetër, përçarjet, hiletë, skandalet, dhe i është dhënë kaq herë mundësia të rilind i penduar, i burrëruar i kthjelluar. 

Por fundi i fjalimit të Edi Ramës ishte skandaloz! Po ky “kriminel”, Ilir Meta, sipas kryeministrit, është “mik” dhe “aleat” i tij, dhe ai duhet ta lexojë me kthjelltësi vendimin e Parlamentit, Rezolutën e cila nuk flet për shkarkim por për reflektim të Presidentit të Republikës.

“Nuk dorëzohem as si kryeministër jo e jo, por as si qytetar nesër duke e pranuar si fatalitet maskarallëkun, pisllëkun dhe hajvanllëkun.

Unë e kam votuar Metën si President, gjithkush në këtë sallë ka bërë të njëjtën gjë, shumëkush më ka kritikuar në rrjetin tim social vazhdimisht më zhdëpin për zgjedhjen e tij, jo pak më kanë mallkuar dhe sa shfaqet Ilir Meta me ndonjë nga paudhësitë e veta më përvishen mua të gjithë.

Po të ktheheshim mbrapsht do bëjë prapë të njëjtën gjë, për shumë arsye që nuk është rasti ti rendis, por është rasti tu kujtoj se Meta u zgjodh president me votat e tij, votat tona e pengonin por nuk mjaftonin për të zgjedhur,” tha Rama duke e pranuar se nuk do ta imagjinonte dot:

“Por se do ta kthente këtë zgjedhje për të udhëhequr një plan çoroditës të orkestruar bashke me Saliun, jo këtë se kisha imagjinuar. Ka kaluar tej çdo imagjinate dhe nuk tolerohet, Ilir Meta e ka humbur të drejtën për detyrën vendi është parlamentar dhe Presidenti është garant i unitetit jo interpretuesi subjektiv i kushtetutës.

Shpreh keqardhje si njëri, mik, kundërshtar dhe aleat si dikush që nuk ka bërë vetëm të këqija por ka dhënë kontribute pozitive, i uroj me gjithë zemër ta lexojë me kthjelltësi këtë, nëse ka probleme me dëgjimin dhe nuk do ti kuptojë qartë fjalët që do thuhen sot në adresë të tij,” tha Kryeministri Edi Rama duke shpresuar se Ilir Meta do ta lexoj Rezolutën që pret të miratohet dhe do të reflektoj, fund ky i shkronjësit të Metës i cili u prit me duartrokitje komuniste që do ti kishte zili krimineli Enver Hoxha.