Fundi i Dramës “Saimir Tahiri”: Do ta arrestoj Gjeneral Lleshi, apo do t’ia fal lirinë Edi Rama?! Kjo është çështja!
Dalja e dytë publike me gjithë arsenalin e akuzave dhe sharjeve, pas paraqitjes së turpshme të prokurorëve të Krimeve të Rënda në komisionin parlamentar, kur u diskutua për imunitetin e Saimir Tahirit, është një paralajmërim i shoqëruar me frikë për arrestimin e Ish-Ministrit të Brendshëm, Saimir Tahiri dhe fundin e mundshëm të Dramës “Saimir Tahiri” për të cilin do të vendos: Piktori Edi Rama apo Gjeneral Brigade, Sandërr Lleshi!
Filloj paraqitjene tij të gjatë duke gënjyer se ka heshtur, sepse të gjithë e kujtojnë jargavitjen tek Fevziu dhe spektaklin në Komisionin e Ligjeve kur Edi Rama e shpëtoi nga prangat. Tha se zgjodhi politikanin, por as trafikantin me dinjitet të drogës nuk e bëri.
“Lorenc, Unë po arrestohem,” jargavitej kur ishte i bindur se qelia po e pret pas “Opinionit”.
Akuzoi Ambasadorët duke harruar se opinioni publik tashmë e ka të qartë, se vetëm dyshja e famshme e shpëtoi, ndryshe sot do të ishte me pizhamat e burgut.
Dhe në vend se të pret verdiktin e gjykatës shqiptare tund letrën duke thënë se gjykata italiane e dha fjalën e fundit.
Mori me radhë, armiqtë e tij Sali Berishën dhe Lulzim Basha, miqtë e tij që e bënë ministër Monika dhe Ilir Meta, duke u treguar bukëshkalë, të paktën publikisht, ndaj Edi Ramës, që i largoi nga faqja e dheut prokurorët që i kishin kopsitur dosjen, dhe po i vinin prangat.
Dora e zezë
“Ju kujtohet se në datë 24 Tetor 2017, pra vitin e kaluar, dola në konferencë për shtyp dhe deklarova duke treguar edhe dokumentacionin nga Italia, se ndaj meje nuk kishte asnjë hetim,” i rikujtoi opinionit mashtrimin mashtrimin e tij duke shtuar:
“Atëherë, dora e zezë që me paratë e oligarkëve bredh poshtë lajmeve dhe emisioneve, lëvizi fort për të thënë se letrat që tregova, ishin të falsifikuara.
Po atë ditë, i premtova publikut se hetimi i prokurorisë shqiptare nuk më mjafton për të vërtetën time përballë shqiptarëve,” tha Samiri Tahiri duke mos sqaruar se kush ishte “Dora e zezë”, ajo që e vuri ministër, Beogradi zyrtar, apo puthësit e kësaj dore, Ilir Meta e Monika Kryemadhi. Dhe, vazhdoi me gënjeshtër:
“Bëra atë që nuk ka bërë asnjë politikan shqiptar. Kërkova që krahas hetimeve në Shqipëri, të hetohem edhe në Itali, nga të njëjtët prokurorë të Antimafias Italiane të sprovuar në hetime shumë më të komplikuara e serioze se ky për mua.
Pas konferencës sime për shtyp, të njëjtën gjë e kërkoi edhe prokuroria shqiptare.
Dhe Prokuroria e antimafias italiane regjistroi zyrtarisht hetim ndaj meje, në datë 27 Tetor 2017. Vetëm 3 ditë më pas.”
Normalisht, u shfaq shumë më rëndë se vitin e kaluar. Imagjinoni një Ish-ministër i Brendshëm, çfarë thotë, për krimet e bëra në Shqipëri, kërkoi hetime nga prokuroria italiane dhe Prokuroria e Antimafias Italine i regjistroi zyrtarisht! Dhe, eureka:
“Prokurori i Antimafias Italiane dhe Prokurori i Përgjithshëm i Republikës në Itali, në përfundim të të gjitha hetimeve, i kërkuan Gjykatës Italiane pushimin e hetimeve për Saimir Tahirin sepse nuk ka asnjë lloj përfshirje në asnjë aktivitet të paligjshëm. Gjykata Italiane miratoi kërkesën e Prokurorëve të Antimafias dhe unë kam sot vendimin e Gjykatës, ku miraton kërkesën e Prokurorisë për pushimin e hetimeve ndaj meje.”
Jurist, ish-ministër por kot! Mirë për respektin që nuk ka për kriminelët e kuq që ishin duke e pritur për ti puthur dorë, por si nuk ka një pikë respekti për opinionin e gjërë, i cili të paktën i ka dy fije mend dhe nuk i hanë këto broçkulla. Aq më shumë kur përcjelljen e dosjes së autoriteteve italien drejtë Shqipërisë, e çuan veprim i dorës së zezë, duke harruar gjithë ato Marrëveshje dypalëshe italo-shqiptare prej të cilave burojnë aq shumë detyrime.
I vetmi politikan…
Përsëri gënjen! Tha se është i vetmi politikan që vetëm pse përmendet në bisedat e ca trafikantëve, kërkon vetë të hetohet, jo një herë, por dy herë nga prokuroria e antimafies italiane.
Hetimet ndaj këtij grupi kriminal që trafikonte drogë kishin filluar shumë kohë më parë, ndërsa sa për politikanin e vetëm, po, është politikani i vetëm që kanabizoi vendin në këtë farë feje, sa me sasinë e kultivuar nuk po i japin dot xhevap si trafikantët ashtu edhe përdoruesit e drogës. Dhe, është i vetmi politikanë që i takon një grupi parlamentar ku më shumë ka kriminel se sa deputet pa të kaluar kriminale.
“Sot jam i vetmi politikan shqiptar, që vetëm pse përmendem në bisedat e ca trafikantëve, kërkova vetë e jam hetuar jo një herë, por dy herë nga prokuroria e antimafias italiane. Një herë në hetimin 4 vjeçar të vetë trafikantëve dhe një herë tjetër kur kërkova që të hetohesha në mënyrë specifike vetëm unë.
Dhe rezultati është ky sot, që autoritetet italiane me vendim të formës së prerë, kanë mbyllur hetimet sepse nuk kam asnjë lidhje më asgjë të paligjshme.”
Pse nuk u arrestua Saimir Tahiri?! Ai sot bëri të paditurin edhe pse të gjithë e dijnë se ishte Edi Rama ai që e shpëtoi nga prangat.
“Kur nisi kjo histori, Prokurorët kërkuan arrestimin tim me pretendimin se na kanë ardhur dosjet nga Italia dhe Prokuroria Antimafia Italiane. Lulzim Basha kërkonte arrestimin tim, sepse Saimir Tahiri është është marr me trafik droge e këte nuk e thotë opozita, por antimafia Italiane. Monika Kryemadhi e me ç’ka tjetër, bënin të njëjtën gjë. E jo vetëm këta. Por një orkestër e tërë që ndanin interesa politike e jo vetëm, u bënë bashkë ca të nënës e ca të njerkës, bilbila e kopila, se Saimir Tahiri duhej në burg, se nuk e thonin këta, por antimafia Italiane.”
Sërish jo vetëm ministër por edhe jurist i dështuar. Thotë se është verifikuar nga drejtësia italiane dhe është lënë i lirë, duke harruar se të gjithë shqiptarët e dinë se autoritetet italiane hetojnë për krimet e bëra në Itali dhe jo në Shqipëri:
“Prokuroria e antimafias italiane dhe gjykata, kanë dalë me përfundimin se janë të gjitha gënjeshtra. Nuk e them unë, por prokuroria antimafia italiane dhe Gjykata Italiane. Bashkë me Interpolin janë verifikuar të gjithë hyrje daljet e mia jo vetëm në Itali, por në të gjithë zonën Shengen, për të parë nëse ka ndonjë hyrje dalje timen me cilindo nga personat e përfshirë në hetim, dhe kanë dalë në përfundimin se nuk ka asgjë. Edhe këtë nuk e them unë, por prokuroria antimafia italiane dhe Gjykata Italiane. Këto e shumë të tjera janë hetuar plotësisht, pa zhurmë e pa politikë, ndaj Porkuroria e Antimafies Italiane dhe Gjykata po atje, më dorëzuan një vendim të qartë sa drita e diellit ku pushohen hetimet ndaj meje.”
Edi Rama nuk i bleu por i degdisi prokurorët
Sot, Saimir Tahiri u bë sikur nuk e kishte të qartë se kush i bleu prokurorët, u mundua sërish ta gjuaj topin te pala italiane, edhe pse gjithçka është e qartë: Jo, jo prokurorët italianë por pokruorët shqiptarët të “Çështjes Tahiri” i degdisi Edi Rama.
“Nuk e di a do ketë kurajo njeri të thotë se e paskam blerë edhe antimafian italiane dhe gjykatën italiane? Këta që hetuan Toto Rinën dhe mafien siciliane, i kam blerë unë? Apo do thonë se do i këtë blerë Edi Rama që rujna zot mos kontrollon prokurori e gjykata nëpër evropë?” tha Saimir Tahiri pa i thonë opinionit publik se ku janë prokurorët shqiptarë që e kanë hetuar, apo pak rëndësi ka nëse janë degdisur në Pukë ose Pogradec, mbi dosjet e sherreve nëpër kafene, duke lënë në Prokurorinë e Krimeve ët Rënda, çështjen e Ministrit të vetëm të Brendshëm në historinë e Shqipërisë që akuzohet për trafik ndërkombëtarë të drogës.
Në këtë zbrazje të urrejtjes kishte edhe shkarje sinqeriteti. Bëri dallimin në mes të socialistëve që e mbështesnin nën ballkonin e shtëpisë dhe atyre rilindasëve, që kiameti me Whatss App, i thonin se sa pak trafikant që është, dhe më këtë rast falënderon ata që ngritën çështjen:
“Më kanë dhënë mundësinë të njoh veten më mirë, të njoh njerëzit më mirë, politikën më mirë e drejtësinë më mirë. E unë kurrë nuk do harroj kush më qëndroi pranë në këtë kohë të vështirë, kush u largua pikërisht në këtë kohë të vështirë, e mbi të gjitha, kush e sajoi gjithë këtë kohë të vështirë.”
Tha se letrat nga Italia i dorëzoi në Prokurori të hënën, edhe pse nuk është e qartë se e bëri këtë veprim kur nuk është postier i Ministrisë së Drejtësisë, por paralajmëroi:
“Do kërkoj të drejtën time të plotë në çdo instancë të procesit. Kam duruar 1 vit gënjeshtra pafund. Nga ato gënjeshtrat që i marrin gazetarët dhe analistët, i plasin nëpër ekrane vetëm për të hedhur baltë mbi mua. Unë them boll! 1 vit ishte mjaftueshëm. Tani nuk do hesht. E në qoftë se nuk mjaftojnë 7 prokurorë, bëjini 70 vetëm mbaroni hetimet dhe tregoni të vërtetën,” tha Saimir Tahiri pa e kuptuar njeri se kujt I drejtohet, meqë ishin vetëm 3 dhe ata nuk janë më, I hoqi njëri dh evetëm njëri, Edi Rama.
Saliu, Basha e Ilir Meta
“Unë nuk jam Lul Basha, një kaqol në politikë por një krimineli ordiner, që vodhi e vrau bashkë me Saliun, e as u hetuan, as u gjykuan e as u dënuan. Një herë në opozitë e një herë si ministër i Brendshëm i kam denoncuar në Prokurori për vrasjen e 4 protestuesve në bulevard. E prap nuk hetohen, nuk gjykohen e as dënohen,” tha Saimir Tahiri duke i bërë me këtë rast një sygjerim edhe Institutit Albanalogjik për Fajlrin e Gjuhës Shqipe, se ai që nuk e bënë trafikantin e drogës na qenka kaqol, sikur Lul Basha.
Duke uruar ti bie pika gjithë shqiptarëve, meqë jo vetëm Saliu, Basha, Monika e Ilir Meta, por të gjithë shqiptarët e kanë të qartë se Edi Rama po mbyll hetimin, Tahiri thekson:
“Dalin edhe thonë se Edi Rama po mbyll hetimin a gjykimin për mua. Pika që nuk u bie. Nuk e dinë që drejtësia e blerë, nga kushdo, madje Edi Rama i pari, për mua është me keq se çdo dënim. Por nuk kanë faj që e mendojnë kështu. Nuk e kam të largët natën kur Saliu e Luli i shkuan për darkë në shtëpi në atë kohë të pandehurit Ilir Meta, vetëm një ditë para vendimit të gjykatës. E pasi kishin larë duart me drejtësinë, tallnin kurabien me popullin duke i treguar sa mirë kishte gatuar Monika roston me kumbulla. Nuk është larg dita kur rrethohej prokuroria edhe me polic, që mos hetohej Lul Basha, që ikte si lepur me raporte mjeksore e nuk u gjykua kurrë për vjedhje miliona euro e vrasje. Dhe këta më bëjnë sot moral. Se nuk kanë faj, ia kanë hedhur drejtësisë,” tha Ish-ministri i Brendshëm i akuzuar për trafik ndërkombëtar të drogës, i bindur se ai është ndryshe, jo si këta që akuzon, sepse ka edhe ndërgjegje.
“As iu fsheha drejtësisë për asnjë ditë, as u fsheha pas politikës, pas parlamentit, pas mandatit e pas pushtetit,” tha njeriu i cili nuk ju fsheh drejtësisë por me ndihmën e Edi Ramës i shpëtoi drejtësisë, politikës, parlamentit dhe mandatit të artë i cili nuk iu dha me asnjë çmim.
Kështu përfundoi edhe akti i dytë i Dramës “Saimir Tahiri” e cila përfundoj me dilemën epike:
A do ta arrestoj Gjenerali Sandër Lleshi, apo do ta liroj Edi Rama. Kjo është çështja!
Deklarata e plotë e Saimir Tahirit:
Janë tashmë 6 muaj nga hera e fundit që unë kam folur për mediat, e akoma më shumë se 1 vit që nga nisja e kësaj historie.
Kam heshtur, në respekt të hetimeve. Edhe pse, i vetmi që ka heshtur, jam unë.
Të kisha zgjedhur të bëja politikanin, nuk do i kisha lënë rrënjë e dhëmballë pa i përplasur fytyrës të gjithë atyre që kanë folur e mbi të gjitha atyre që hetojnë; prokurorët, e pastaj me rradhë, gazetarë e analistë e deri politikanë në parlament e jashtë parlamentit.
Unë zgjodha të mos bëja politikanin. Siç kanë bërë të gjithë ata që kanë qeverisur e telendisur këtë vend për 30 vjet, kanë vrarë e kanë vjedhur, e nuk janë hetuar e gjykuar kurrë, por kanë marrë me libër llogarie e libër shtëpie prokurorë e gjyqtarë, media e gazetarë, deri sa kanë dalë të pa lagur.
Unë zgjodha të bëj qytetarin e thjeshtë, vetëm përballë drejtësisë. Të mos bëj politikë, por të pres pa fjalë hetimet dhe verdiktin e drejtësisë.
Ndaj kam heshtur. E për fat të keq, kam heshtur vetëm unë.
Me gjysmaletra e gjysmalajme “nga burime” të Prokurorisë, gazetarët plasnin lajme bombastike që rradhën ta merrnin analistët dënglamëdhenj e medemek të pavarur, të më bënin gjyqin në çdo studio dhe emision.
Politika sigurisht ka bërë të vetën, përditë e në çdo deklaratë, me lloj lloj gënjeshtrash e pisllëqesh.
E nuk mund të bëja gjë tjetër, veçse të qeshja me ca që më kanë njohur mirë e i kam njohur shumë mirë, e bënin sikur nuk më njihnin, e me ca të tjerë që nuk me kanë njohur kurrë por flisnin sikur më kanë njohur gjithë jetën.
Me vrap edhe ambasadorë, pa u menduar dy herë e pa pasur gajle se në vëndet e tyre as do ia vinte njeri në pullë po të flisnin kaq qesim sa flasin këtu, e as do guxonin të flisnin për një proces ku heton prokuroria, e prapë kanë folur. Tamam si për ta bërë të vërtetë atë shprehjen “Shqipëri hesapi”.
Kanë gënjyer aq shumë për mua, përditë e përditë e përditë.
Vetëm unë kam heshtur. Duke pritur të vërtetën time.
Me besimin që se kam humbur ende se e vërteta sado vonë, do vijë një ditë, e kur kjo të ndodhë, do bërtasë më fort se gënjeshtrat 1 vjeçare të të gjithë këtyre të marrë bashkë.
Dhe nuk e kam pasur të lehtë të hesht.
Kam pasur e kam ende shumë për të thënë.
Por sot boll!
Kam diçka me rëndësi, që dua ta ndaj me ju dhe publikun, sepse besoj se e vërteta nuk rri dot fshehur sado të mundohet e sponsorizojë dora e zezë që fshehtas e filloi më mua e po vazhdon më shumë akoma tani e ndoshta më keq pastaj.
Ju kujtohet se në datë 24 Tetor 2017, pra vitin e kaluar, dola në konferencë për shtyp dhe deklarova duke treguar edhe dokumentacionin nga Italia, se ndaj meje nuk kishte asnjë hetim.
Atëherë, dora e zezë që me paratë e oligarkëve bredh poshtë lajmeve dhe emisioneve, lëvizi fort për të thënë se letrat që tregova, ishin të falsifikuara.
Po atë ditë, i premtova publikut se hetimi i prokurorisë shqiptare nuk më mjafton për të vërtetën time përballë shqiptarëve.
Dhe bëra atë që nuk ka bërë asnjë politikan shqiptar.
Kërkova që krahas hetimeve në Shqipëri, të hetohem edhe në Itali, nga të njëjtët prokurorë të Antimafias Italiane të sprovuar në hetime shumë më të komplikuara e serioze se ky për mua.
Pas konferencës sime për shtyp, të njëjtën gjë e kërkoi edhe prokuroria shqiptare.
Dhe Prokuroria e antimafias italiane regjistroi zyrtarisht hetim ndaj meje, në datë 27 Tetor 2017. Vetëm 3 ditë më pas.
Janë prokurorë që nuk e kishin mëndjen të shpërndanin gjysmalajme e gjysmaletra nëpër media e portale, por në heshtje e me shumë punë, hetuan edhe pretendimet e prokurorisë shqiptare për përfshirjen time ose jo në atë që u quajt banda e trafikut të drogës.
Prokurori i Antimafias Italiane dhe Prokurori i Përgjithshëm i Republikës në Itali, në përfundim të të gjitha hetimeve, i kërkuan Gjykatës Italiane pushimin e hetimeve për Saimir Tahirin sepse nuk ka asnjë lloj përfshirje në asnjë aktivitet të paligjshëm.
Gjykata Italiane miratoi kërkesën e Prokurorëve të Antimafias dhe unë kam sot vendimin e Gjykatës, ku miraton kërkesën e Prokurorisë për pushimin e hetimeve ndaj meje.
Çuditërisht mëndja e ligë dhe dora e zezë që dosjen e kësaj çështje e solli që ditën e parë nga Italia në Shqipëri duke u kujdesur t’ia shpërndaj me lezet mediave, këtë vendim pozitiv që ka të paktën disa muaj që ka dalë nga zyra e prokurorit për në Gjykatë, as e gjeti, as e tha e as e shpërndau.
Por kjo ka pak rëndësi sot. Ka një radhë për të gjitha gjërat, e unë di mirë të pres radhën e çdo gjëje.
Ajo që ka rëndësi sot është vetëm një gjë: Unë u akuzova e nuk bëra politikë, nuk u fsheha, nuk gënjeva, nuk sajova. Unë u përballa.
Dhe sot jam i vetmi politikan shqiptar, që vetëm pse përmendem në bisedat e ca trafikantëve, kërkova vetë e jam hetuar jo një herë, por dy herë nga prokuroria e antimafias italiane.
Një herë në hetimin 4 vjeçar të vetë trafikantëve dhe një herë tjetër kur kërkova që të hetohesha në mënyrë specifike vetëm unë.
Dhe rezultati është ky sot, që autoritetet italiane me vendim të formës së prerë, kanë mbyllur hetimet sepse nuk kam asnjë lidhje më asgjë të paligjshme.
Jam i vetmi politikan shqiptar që për tu hetuar pse jam përmendur nga 2 trafikantë që u gjetën kushërinjtë e mi të 8, dhashë dorëheqjen nga mandati i deputetit e nga çdo aktivitet publik, heshta e prita që të hetohej gjithçka lidhej me mua jo vetëm në Shqipëri por edhe në Itali.
E sigurisht më vlen më shumë e vërteta ime, këtu në këtë vendin tonë ku, kur ua do interesi, politikanë e gazetarë e dënglamëdhenjtë analistë, çirren studjove se nuk mund të mbahet përgjegjësi për vëllain, për motrën, për burrin, gruan, për djalin e vajzën, kunatin e baxhanakun.
Kur nisi kjo histori, Prokurorët kërkuan arrestimin tim me pretendimin se na kanë ardhur dosjet nga Italia dhe Prokuroria Antimafia Italiane.
Lulzim Basha kërkonte arrestimin tim, sepse Saimir Tahiri është është marr me trafik droge e këte nuk e thotë opozita, por antimafia Italiane.
Monika Kryemadhi e me ç’ka tjetër, bënin të njëjtën gjë.
E jo vetëm këta. Por një orkestër e tërë që ndanin interesa politike e jo vetëm, u bënë bashkë ca të nënës e ca të njerkës, bilbila e kopila, se Saimir Tahiri duhej në burg, se nuk e thonin këta, por antimafia Italiane.
Unë ua bëra qefin më shumë se ç’ndoshta kishin menduar. Kërkova hetim pikërisht nga antimafia italiane, prokurori dhe gjykatë, dhe ata më njoftuan vendimin zyrtar ku pushojnë çdo hetim ndaj meje.
E mbani mënd pretendimet se unë paskam përfituar një byzylyk dhe një kostum. Sesi madje unë kisha komunikuar me shitësit në telefon, madje kisha shkuar edhe në itali të provoja kostumin.
Prokuroria e antimafias italiane dhe gjykata nuk e kanë lënë pa verifikuar. Kanë marrë të gjitha faturat e shitjeve, librin e llogarive dhe shitjeve ditore, faturat fiskale, kamerat e dyqaneve dhe kanë marrë në pyetje shitësit e dyqaneve, duke përfshirë takime dhe telefonata të mundshme të miat apo të kujdo tjetër të përfshirë, dhe kanë dalë me përfundimin se janë të gjitha Gënjeshtra.
Nuk e them unë, por prokuroria antimafia italiane dhe Gjykata Italiane.
Bashkë me Interpolin janë verifikuar të gjithë hyrje daljet e mia jo vetëm në Itali, por në të gjithë zonën Shengen, për të parë nëse ka ndonjë hyrje dalje timen me cilindo nga personat e përfshirë në hetim, dhe kanë dalë në përfundimin se nuk ka asgjë.
Edhe këtë nuk e them unë, por prokuroria antimafia italiane dhe Gjykata Italiane.
Këto e shumë të tjera janë hetuar plotësisht, pa zhurmë e pa politikë, ndaj Porkuroria e Antimafies Italiane dhe Gjykata po atje, më dorëzuan një vendim të qartë sa drita e diellit ku pushohen hetimet ndaj meje.
Nuk e di a do ketë kurajo njeri të thotë se e paskam blerë edhe antimafian italiane dhe gjykatën italiane? Këta që hetuan Toto Rinën dhe mafien siciliane, i kam blerë unë? Apo do thonë se do i këtë blerë Edi Rama që rujna zot mos kontrollon prokurori e gjykata nëpër evropë?
Përtej të gjithave, ky që po ndaj me ju sot, është një lajm i mirë për mua dhe familjen time, e një forcë më shumë për të gjithë ata që më kanë besuar çdo ditë.
Edhe pse nuk ka qënë e lehtë të besoje tek unë, dhe kjo për shkak të heshtjes sime përballë malit të madh me gënjeshtra që shpërthente përditë në TV nga gojët e palaçove që nuk kanë lënë gjë pa bërë duke shitur shpirtin.
E sado më kanë baltosur, me gjysmaletrat e gjysmalajmet që dilnin nga Prokuroria, me lajmet e sponsorizuara nga dora e zezë që ka tredhur dënglamëdhenjtë që bëjnë si analistë duke më bërë gjyqin në çdo ekran, sado kanë drejtuar gishtin ndaj meje kaqolat e politikës që nuk kanë lënë cep të Shqipërisë pa vjedhur e nuk kanë kursyer as vrasjet mu në mes të bulevardit, unë dua ti falenderoj shumë sinqerisht. Të gjithë!
Sepse më kanë bërë një shërbim të madh që ndoshta as vetë nuk do ia bëja vetes.
Më vunë në një sprovë të madhe njerzore, duke më dhënë mundësinë të kërkojë të drejtën time edhe atje ku nuk e kisha menduar ndonjëherë, për të nxjerrë në dritë gjithçka dija unë vetë, por nuk më mjaftonin fjalët t’ia shpjegoja kujdo.
Më kanë dhënë mundësinë të bëhem i pari në politikë që të vërtetën time ta kërkoj jo pas pushtetit, por para drejtësisë. E jo me pushtet, por vetëm me forcën e të vërtetës.
E jo vetëm në Shqipëri por edhe në drejtësinë e një vendi tjetër të BE ku hetimet bëhen seriozisht e jo politikisht.
Më kanë dhënë mundësinë të shoh njerëzit në sy, e të ndjej vështirësinë e tyre qoftë edhe për të më përshëndetur, jo më për të ndenjur me mua.
Ashtu siç për të ndjerë forcën e miqësisë të atyre që pavarësisht kostove, më qëndruan afër pa marrë parasysh pasojat.
Më kanë dhënë mundësinë të vë në provë dashurinë e familjes sime e të njerëzve më të dashur afër meje, që duronin akuza nga më monstruozet, e mbaheshin fort pas heshtjes sime.
Më kanë dhënë mundësinë të njoh veten më mirë, të njoh njerëzit më mirë, politikën më mirë e drejtësinë më mirë.
E unë kurrë nuk do harroj kush më qëndroi pranë në këtë kohë të vështirë, kush u largua pikërisht në këtë kohë të vështirë, e mbi të gjitha, kush e sajoi gjithë këtë kohë të vështirë.
Dhe ende nuk është fundi. Unë pres hetimet e prokurorisë shqiptare, që pavarësisht se po heton mbi materialet që morën në Itali, pavarësisht se po zgjat hetimet për të paktën 4 herë duke pritur letra nga Italia, i duhet akoma kohë të zbardhë të vërtetën.
Ka kaluar 1 vit tashmë. E nuk është vetëm një prokuror, por 7 prokurorë që nisën këtë hetim këtu.
Pas hetimit të 3000 të vrarëve në 1997, nuk ka pasur çështje të dytë shqipëria, ku të angazhohen prej 1 viti 7 prokurorë.
Dhe ka kaluar më shumë se 1 vit.
Letrat nga Italia i dorëzova në Prokurori të hënën dhe do kërkoj të drejtën time të plotë në çdo instancë të procesit.
Kam duruar 1 vit gënjeshtra pafund. Nga ato gënjeshtrat që i marrin gazetarët dhe analistët, i plasin nëpër ekrane vetëm për të hedhur baltë mbi mua.
Unë them boll! 1 vit ishte mjaftueshëm. Tani nuk do hesht.
E në qoftë se nuk mjaftojnë 7 prokurorë, bëjini 70 vetëm mbaroni hetimet dhe tregoni të vërtetën.
Siç bëri prokurori antimafia e Italisë dhe gjykata atje.
Deri tani është hetuar e gjithë jeta ime, familja ime, miq e të afërm, me kë jam jam takuar e me kë kam bërë pushime.
Kush e si kam paguar dreka, darka, e pushime, madje edhe nëse kam paguar pushimet në kavalishencën e Durrësit, kanë hetuar.
Kush është futur në zyrën time gjatë ushtrimit të detyrës, me kë kam folur në telefon e me kë jam përshëndetur.
Nuk është lënë gjë pa u hetuar.
Edhe cfarë duhet akoma? Edhe sa kohë duhet akoma? Unë këtë nuk e di, por jam ofruar nga dita e parë për prokurorinë, e vazhdoj sot pres vetëm një gjë, të vërtetën.
U bë mbi një vit e unë nuk jam thirrur ende qoftë një herë të vetme. Nuk di as cfarë kanë hetuar, as cfarë presin të hetojnë, pavarësisht se sipas ligjit më takon e drejta të di.
Janë futur në hetim njerëz kot më kot, vetëm pse më kanë njohur apo kanë punuar me mua, sepse vetëm kështu mund të mbahej në këmbë medemek një grup kriminal që paska qënë i drejtuar prej meje.
Do vazhdoj të pres me durim e besim, tek e vërteta ime.
Sepse unë nuk jam Lul Basha, një kaqol në politikë por një krimineli ordiner, që vodhi e vrau bashkë me Saliun, e as u hetuan, as u gjykuan e as u dënuan.
Një herë në opozitë e një herë si ministër i Brendshëm i kam denoncuar në Prokurori për vrasjen e 4 protestuesve në bulevard.
E prap nuk hetohen, nuk gjykohen e as dënohen.
Dalin edhe thonë se Edi Rama po mbyll hetimin a gjykimin për mua. Pika që nuk u bie.
Nuk e dijnë që drejtësia e blerë, nga kushdo, madje Edi Rama i pari, për mua është me keq se çdo dënim.
Por nuk kanë faj që e mendojnë kështu. Nuk e kam të largët natën kur Saliu e Luli i shkuan për darkë në shtëpi në atë kohë të pandehurit Ilir Meta, vetëm një ditë para vendimit të gjykatës. E pasi kishin larë duart me drejtësinë, tallnin kurabien me popullin duke i treguar sa mirë kishte gatuar Monika roston me kumbulla.
Nuk është larg dita kur rrethohej prokuroria edhe me polic, që mos hetohej Lul Basha, që ikte si lepur me raporte mjekësore e nuk u gjykua kurrë për vjedhje miliona euro e vrasje.
Dhe këta më bëjnë sot moral. Se nuk kanë faj, ia kanë hedhur drejtësisë.
Por unë jam ndryshe. Nuk jam si këta asnjë ditë të jetës sime. Sepse sa më vlen ndërgjegja e qetë dhe e vërteta, nuk më vlen asgjë tjetër.
As iu fsheha drejtësisë për asnjë ditë, as u fsheha pas politikës, pas parlamentit, pas mandatit e pas pushtetit.
Dhashë dorëheqjen nga të gjitha për të pritur drejtësinë si çdo qytetar i këtij vendi.
E ç’ka ndodhur, me ç’kam parë e dëgjuar nga të katër anët, më jep sot arsye më shumë për të besuar në gjithçka kam bërë kur kam shërbyer si Ministër i Brendshëm i Republikës së Shqipërisë, me një ekip të shkëlqyer në ministri e kolegë plot besim në parlament e qeveri.
Jam krenar për çdo ditë të punës sime, se ndërtuam, dhe e them me plot gojën, “Policinë që Duam”, me burra e gra, djem e vajza që më në fund u bënë krenarë që shërbenin në Policinë e Shtetit.
E sado të hedhin baltë, nuk e mbulojnë dot kurrë.
Gjithçka ka ndodhur me mua gjatë këtij viti, nuk është hata. Sa mijra qytetarë janë në Shqipëri, që padrejtësia u përplaset në fytyrë përditë, e nuk flasin dot e as dëgjohen dot.
E mua sot më vjen turp të bërtas kaq fort për padrejtësinë që mu bë mua, kur padrejtësia që ka ulur në gjunjë mijra familje që nuk marrin dot pronën, që nuk shkollojnë dot fëmijën, që nuk hyjnë dot në derën e spitalit, apo më keq akoma që nuk gjejnë dot kafshatën e bukës, kur kjo padrejtësi, është më e fortë se çdo gjë që kam jetuar unë.
Jam rrëzuar shumë herë, e jam ringritur. Kam gabuar shumë herë, e kam mësuar.
E kam mësuar se përballë padrejtësisë për jetën e çdo qytetari në çdo cep të Shqipërisë, ka vetëm një rrugë; të mbledhin veten e të godasin fort palaçot që e bënë këtë vend copa duke vjedhur e duke vrarë.
E në qoftë se i shpëtuan drejtësisë së ligjit, me lek e pushtet, të mos i shpëtojnë drejtësisë së popullit, sot e kurrë ndonjëherë.
Kush ka rënë e nuk është ngritur, kush ka vuajtur e nuk ka pritur, e di mirë se ka një ditë më të mirë e më e drejtë.
Unë e provova vetë, e sot e di shumë mirë, se në çdo ditë timen të vështirë, nuk kanë munguar njerëzit e thjeshtë që me dashuri më kanë dhënë një dorë për të qenë ky që jam e për të bërë atë që kam ëndërruar bashkë me shumë të tjerë.
E sot i kam një borxh shumë të madh, të gjithë atyre që më qëndruan pranë, qoftë edhe me një sms në telefonin tim.
Unë jam Saimir Tahiri që kam qenë, e do vazhdoj të jem njëlloj me të njëjtën forcë për të luftuar për të vërtetën e të drejtën. Jo vetëm timen, por të të gjithë atyre që duhet të çohen në këmbë për të marrë mbrapsht atë që meritojnë nga ligji e nga zoti.
E sot jam po njëlloj. Dua më shumë njerëzit se pushtetin. Dua më shumë të drejtën sesa intrigën. Dua më shumë ata që bëjnë mirë edhe kur mundësitë për të bërë mirë janë me sakrifica, sesa ata që e kanë shpirtin e lig e bëjnë poshtërsi edhe kur mund të bëjnë mirë.
Drejtësia në Itali e tha fjalën e fundit. Prokuroria antimafia italiane gjykata italiane nuk bënë politikë por hetim të vërtetë dhe e thanë fjalën e fundit.
Beteja ime vazhdon deri në fjalën e fund të drejtësisë edhe në Shqipëri.
Pas kësaj, jam i lirë. E sot nuk kam dot fjalë të shpjegoj siç duhet çdo të thotë të jesh i lirë pasi ke fituar beteja kaq të rëndësishme në jetën tënde.
E për këtë nuk kam as fjalë të falënderoj këdo që ka besuar apo edhe që ka dyshuar qoftë një herë të vetme tek unë.
E vërteta na ndan e na bashkon përsëri. Të gjithëve. Por vetëm e vërteta ama.
