Fundi i Protestave, Paloka: Qeveria dhe Edi Rama në burg!
Me Piramidën e krimit dhe korrupsionit të Rilindjes, në krye të së cilës është Edi Rama, protestuesit marshuan drejtë Kryeministrisë:
Aty i vunë dhe flakën kësaj Piramide të krimit:
Ndërsa marshimi nga Parlamenti dhe Kryeministria përfundoi në selinë e Partisë Demokratike, aty ku fjalën përmbyllëse të protestës së sotme e cila zgjati për rreth tri orë e mbajti Nënkryetari i PD, Edi Paloka:
“Rama ik! Vëllezër dhe motra dua t’ju përshëndes edhe njëhrë për forcën tuaj, rezistencën tuaj. T’iu përshëndes edhe në emër të kryetarit të PD, zotit Lulzim Basha. Sot protestën tonë e drejtuan jo më kot studentët. Ata ishin në ballë, ata ishin zemra e protestës. Shqipëria që ne duam jo ajo që do Edi Rama, është Shqipëria e studentëve, është Shqipëria që duam për fëmijët tanë.
Pak ditë më parë, DASH e cilësoi Shqipërinë e Edvin Ramës si qëndrën e krimit të organizuar në Europë, kanabisit, drogave të forta, ku krimi i organizuar mblidhet për t’u shpërndarë më pas jo në Evropë, por deri në SHBA siç thotë raporti. Është raporti që dikur ia kanë bërë vetëm Noriegës.
Sigurisht, ne që jetojmë këtu e dimë shumë mirë cili është Edi Rama, ndaj jemi në shesh derisa ai të shporret. Jemi të bindur se dita kur ai kryeministër që nuk përfaqëson asnjë shqiptarë të ndershëm, të largohet, është e afërt.
Shumë shpejt do ta shohim atë trimin, atë cinikun, që ngre administratën për t’u tallur me hallet e shqiptarëve. Ka dalë e numëron sa ishte opozita sot e sa do mbledhë sot. Por ai nuk kupton e ne do të jemi në shesh mbase një ditë më pak, një ditë më tepër, por urrejtja e grumbulluar sot në shpirtin e shqiptarëvë është aty dhe një ditë do ta mbysë. Mund të vazhdojë të mbledhë surrogato në parlament, që ai i quan deputetë, po ajo vetëm skena e bashkëpunimit të fundit me oligarkë e bashibuzukë që hiqen aty si deputetë të opozitës,” tha Edi Paloka duke e bërë të qartë se Opozita e Bashkuar do të protestoj në shesh deri në ditën kur Edi Rama dhe Qeveria të përfundojnë në brug:
“Ne, demokratët, LSI, republikanë, të gjitha partitë e opozitës do të jemi bashkë që kjo qeveri të marrë atë që meriton sepse vendi i tyre nuk është në parlament, është në burg.”
