Fundjava e fundit, Rama: Deri të hënën në 05:00 gjithçka e mbyllur. Nga e hëna…

“Sot është dita e fundit me fashën orare deri në 13:00. Nga sot në orën 13:00 deri të hënën në 05:00 gjithçka do të jetë e mbyllur dhe të gjithë në shtëpi!” Kështu paralajmëroi Kryeministri Edi Rama ndërsa nga e hëna do të vendosen masa të reja lehtësuese ku fasha orare do të zgjatet deri 17:30 për shërbimet ushqimore, farmaceutike dhe bankare,dhe autorizimet për leje-dalje për pazar do të jenë 90 minuta.

Një lajm i mirë për ata që kanë makina private! Brenda javës së ardhshme do të zgjerohet mundësia e lëvizjes me automjet privat të atyre që punojnë në hapsirën e lejuar të aktivitetit ekonomik.

Fundi i muajit Maj shihet si dalje nga kjo fazë e parë e përballjes me COVID-19, tha Kryeministri Edi Rama pasi kurba e infeksionit është më e ulët se pritshmëria optimiste, dhe pritet që një pjesë e madhe e aktivitetit ekonomik mund të rikthehet në një normalitet të ri dhe shumë kush mund të rikthehet në punë, me rregulla të mirëpërcaktuara.

Përjashtim bëjnë Policia, Ushtria, media, shërbimet kritike shtetërore apo transporti i mallrave.