Fundjavë e bujshme, 343 shoferë të ndëshkuar. Ja në cilin qark…

Katër shoferë të arrestuar në flagrancë për drejtim mjeti nën ndikimin e alkoolit dhe gjashtë të proceduar pasi kanë drejtuar motoçikletën pa leje drejtimi në qytetin e Durrësit. Dhe jo vetëm kaq!

Policia Rrugore ndërsa bënë bilancin e kontrolleve gjatë fundjavës tregon për një situatë të frikshme në këtë qytet bregdetar. Janë 343 shoferë që janë ndëshkuar vetëm në këtë fundjavë:

-janë pezulluar 37 leje drejtimi për tejkalim të normave të shpejtësisë dhe 11 leje drejtimi për përdorim të pijeve alkoolike;

-janë ndëshkuar 147 drejtues mjetesh për përdorim të celularit gjatë drejtimit të mjetit;

-janë ndëshkuar 114 drejtues mjetesh për parakalim të gabuar;

-janë ndëshkuar 45 drejtues mjetesh për mospërdorim të rripit të sigurimit.

Në këtë situatë, specialistët e Qarkullimit Rrugor Durrës këshillojnë çdo drejtues mjeti të mos përdorin alkool, mos drejtojnë mjetet pa qenë të pajisur me leje drejtimi dhe të respektojnë me rigorozitet rregullat e qarkullimit rrugor,  në të kundërt do të ndëshkohen me masë administrative apo sipas legjislacionit penal.

Kontrolle të kësaj natyre, duke planizuar shërbime shtesë në çdo aks rrugor në qarkun e Durrësit do të zbatohen edhe në ditët në vijim.