Fundjavë Ndryshe i thotë JO Komitetit të Edi Ramës!

Njëra ndër iniciativat më të njohura në historinë e solidaritetit shqiptar, Fundjavë Ndryshe, e kryesuar nga Arbër Hajdari, si në momentin e parë të themelimit të Komitetit Kombëtar të Rindërtimit ashtu dhe sot, Zyrtarisht ka bërë të ditur se kundërshton bashkimin e fondeve me Edi Ramën ndonëse ishte prezent në spektaklin që organizoi Kryeministri me këtë Komitet.

“Sot zhvilluam mbledhjen e Bordit Drejtues të Fundjavë Ndryshe. Së bashku me Florjan Binaj, Flori Karaj, Agim Baci, Saimir Kristo dhe me video call Emina Cunmulaj, Ermal Mamaqi diskutuam disa çështje rreth ecurisë së aktivitetit tonë. Në lidhje me fondin e tërmetit, të unifikuar vendosëm të mos bashkohen fondet me Komitetin e Rindërtimit, por të koordinohemi,” thekson Fundjavë Ndryshe duke bërë publike përmes rrjetit social facebook edhe vendimin final të Bordit Drejtues:

“Pjesë e këtij programi do të jenë dhe ekspertë vlerësues të lincensuar, për llogari të Fundjavë Ndryshe! Faleminderit të gjithë bamirësve për mbështetjen dhe besimin që kanë tek nisma Fundjavë Ndryshe!”