Fundjavë në Kukës, Edi Rama ikën për ta paditur veten për shpifje apo i ka ardhë momenti…
Në fundjavë kryeministri Edi Rama do të zhvilloj spektaklin e radhës me mbledhjen e qeverisë në Kukës.
Gjatë qëndrimit në Qarkun e Kukësit, së bashku me ministrata do të zhvillojnë takime me qytetarët, inspektime në doganë, spitale dhe institucione të tjerë për të mos e tradhtuar në fund edhe aktivitetin me anëtarësimet e reja.
Edi Rama e ka të qartë pse pikërisht në këtë Qark por qytetarët e Kukësit dhe gjithë Shqipërisë, jo. Nuk dihet nëse kryeministri po shkon ta padis veten për shpifje apo ka ardhë momenti me ikë!
Paditjen e vetëvetes për shpifje e presin fermerët e Qarkut të Kukësit, sepse nga vizita me Ministrin e Bujqësisë, Niko Peleshi, kur ata u njohën me nismat e reja të qeverisë për skemat mbështetëse në bujqësi dhe blegtori, asgjë nuk është bërë
Me këtë rast, ishte vetë kryeministri Edi Rama, i cili prezantoi risitë e skemës, në një drekë me ta u kërkoi së pari që të unifikohen sepse është e rëndësishme jo vetëm bashkimi i fermerëve për mundësi financimi, por edhe vetë bashkitë mund të bëhen bashkëaksionere në kultura të veçanta siç janë thertoret.
“Është shumë e rëndësishme pjesa që ka të bëjë me thertoret dhe këtu bashkitë kanë rolin e tyre, sepse nuk duhet të presim që të bashkohen patjetër disa fermerë, por bashkia mund të jetë aksionere në këtë pjesë.” Dhe jo vetëm kaq!
“Në gjithë qarkun e Kukësit kemi katër fshatra, Shishtaveci, Shtiqni, Valbona dhe Cahani, pra katër fshatra, pjesë e skemës së “100 fshatrave” ku ne mbështesim me prioritet strukturat e agroturizmit. Kemi bërë një standard, ku nëse ndërtohet një strukturë akomoduese me të paktën 6 dhoma dhe e shoqëruar me një fermë, merr statusin e agorturizmit dhe pastaj mbështetja nga AZHBR është e konsiderueshme”, tha ministri Peleshi.
E agroturizmi, tha Edi Rama me këtë rast, duhet të shihet si një fushë me perspektivë të mirë për të gjithë ata që jetojnë në fshat.
“Nëse ti ke një situatë gjeografike të vështirë, ke mundësi të kufizuara për të zhvilluar bujqësinë apo blegtorinë, por ke në atë situatë një përrallë natyrë e ndërton aty një bujtinë, me disa dhoma fjetjeje, një fermë të vogël, një restorant gjysmë familjar, ti ke mundësi të kesh gjithë vitin punë. Pra e kthen pozicionin tënd në një pozicion strategjik si një strukturë mikpritjeje”, tha kryeministri, por vetëm fjalë që kishin mbetur në atë takim ndërkohë barra për të zhvilluar bujqesine vetëm sa u është shtuar me taksën në Rrugën e Kombit dhe terrorin.
Ose nëse nuk bëhet fjalë për të paditur vetëveten, pjesa tjetër e këtij Qarku janë edhe më optimistë. Ata kujtojnë vizitën e kryeministrit Edi Rama tek Sadri Gjoka në Kukës, kur tha se karrigen e kryeministrit nuk ia ka dhene e ëma, Aneta, teksa shtoi:
“S’jam tu u plak rrugëve duke bërtit, kur të vijë momenti duhet me ik vetë njeriu”
A ka ardhë momenti?! Vetëm për kriminelët jo, ata e duan këtë lloj qeverie në pushtet!
Ja edhe axhenda e qeverisë në Kukës:
E premte, 26 tetor:
8:00 Nisja nga Tirana
11:00 Eventi i 100 fshatrave ne Shishtavec
12:30 Dreka ne Novosele
15:00 Inspektim i punimeve per ndertimin e dy urave nga ARRSH ne rrugen Kukes-Morine
15:30 Inspektim i Pikes Doganore te Morines – pike e perbashket me Kosoven
16:30 E gjithe Vemendja per ju – Anetaresime te reja – te rinjte e qarkut (Pallati i Kultures)
18:00 Feste me te rinjte (rreth 200 te rinj-te gjithe ministrat dhe zvministrat)
19:30 Darka
E shtunë, 27 tetor:
9:00 Vizite ne nje shtepi qe do te rindertohet
10:00 Inspektim i investimeve ne Spitalin rajonal te Kukesit, reparti I Mamografise
11:00 Takim me grate dhe vajzat e Kukesit per nismen e mbylljes se basteve
12:00 Mbledhja e Qeverise (Pallati i Kultures-te gjithe)
13:00 Dreka
14:30 Nisja per ne Has
15:00 Eventi i Bashkeqeverisjes ne Has dhe llogaridhenia ne nivel lokal
16:00 Kthim ne Tirane
