Fuqitë e mëdha, Vuçiç: Për Kosovën, vetëm Rusia na mbështetë! Me Edi Ramën dhe Zaevin do të…

Jemi shumë largë Marrëveshjes me Kosovën, tha sot Presidenti i Serbisë, Aleksandar Vuçiç duke i bërë një përmbledhje takimeve në New York në përfundim të pjesëmarrjes në Asamblenë e Përgjithshme të OKB, duke shtuar se nuk mund të flitet ende për afate ndërsa foli edhe për marrëveshjen që pritet ta bëjë me Edi Ramën dhe Zoran Zaevin, siç e quajti , “Cefta plus plus”.

“A mund ta kuptojmë se çfarë na pret në të ardhmen ose nuk mund ta kuptojmë njëri tjetrin, dhe nuk është çështje muajsh apo vitesh. Marrëveshja mund të arrihet për pesë muaj, për 50 vjet, e mund të mos arrihet edhe kurrë,” tha Vuçiç duke e pranuar se në takimet që zhvilloi me përfaqësuesit e fuqive të mëdha, kur është folur për integritetin territorial, vetëm shefi i diplomacisë ruse Sergej Lavrov ka folur për integritetin territorial të Serbisë, deri sa të tjerët kanë folur se si Beogradi po e cenon integritetin e huaj territorial.  

“Lufta taktike do të vazhdojë, ndërsa për atë strategjike mund të flas vetëm atëherë kur do ta kemi një marrëveshje kornizë në kokë, dhe ky do të ishte një vendim strategjik. Gjithçka tjetër është lëvizje taktike,” tha Vuçiç duke përsëritur se gjendja e serbëve në Kosovë është komplekse por në aspektin taktik Beogradi duhet të lëviz çdo gur në mënyrë që të krijoi një pozicion më të mirë për popullin serb dhe vendin në tërësi.

“Cefta plus, plus”

Iniciativa e tij për bashkëpunimin ekonomik në Ballkanin Perëndimor ose krijimin e ,siç e quajti, “Cefta plus, plus” dhe një tregu të përbashkët, tha se është e rëndësishme që vendet e rajonit ta kuptojnë se është në interesine tyre të veprojnë në bllok sepse në këtë mënyrë do të kenë respekt më të madh në Evropë.

Nuk bëhet fjalë për bashkim sepse kur përmendet bashkimi gjithmonë fillojnë dhe flasin për “hegjemoninë serbe”, ishte i sinqertë Presidenti i Serbisë kur kemi të bëjmë pikërisht me hegjemoni meqë një bashkim të tillë mendon ta bëjë me dy proserbët më të mëdhenj në Ballkan dhe jo vetëm, Edi Rama dhe Zoran Zaev, dhe jo rastësht aty nuk janë përfshirë Kosova, Mali i Zi dhe Bosnja.

Ndonëse e paralajmëroi se për 15 ditë një marrëveshje e këtij lloji do të firmoset në Serbi, për televizionin serb TV “Prva” tha në përfundim të vizitës në New York  se Serbia së shpejti do të bëhet “makineri ekonomike e rajonit” dhe kjo është arsyeja e një reagimi të këtij lloji.

“Kemi rënë dakord me kryeministrat e Shqipërisë dhe Maqedonisë së Veriut që për 15 ditë të takohemi për një iniciativë të tillë në Serbi. Më pas do të shkojmë në Maqedoninë e Veriut, Shqipëri, që të provojmë ta jetësojmë. Më pas do ta provojmë në Kosovë dhe Bosnje Hercegovinë,” dhe kjo do të ishte një lloj ‘CEFTA plus plus’,”  tha Vuçiç. I pyetur për pritjen tek Preisdenti amerikan, Donald Tramp, Presidenti i Serbisë, Aleksandar Vuçiç tha se ishte një darkë interesante  të cilën e kishte nga fundi i vizitës në New York, por për të cilën nuk mund të flas për detajet.