Furgoni i policisë përplas motorin, një i plagosur rëndë

Tek “Shtëpitë e Malësorëve” në fshatin Oblikë ka ndodhur një aksident rrugor ku ka mbetur i plagosur rëndë një 69 vjeçar.

Sipas policisë është përplasur një motor pa targa, i drejtuar nga shtetasi H. B. 69 vjeç, banues në lagjen Liria, Shkodër me furgonin e Policisë Kufitare Shkodër me targë SH0238E, me drejtues punonjësin e policisë F. K. 49 vjeç, banues ne Shirokë, Shkodër.

Si pasojë e përplasjes ka mbetur i dëmtuar drejtuesi i motorçikletës, i cili u dërgua për ndihmë mjekësore në Spitalin Rajonal Shkodër.

Në vendngjarje po kryen veprimet grupi hetimor nën drejtimin e Prokurorisë Rrethit Gjyqësor Shkodër për sqarimin e rrethanave të aksidentit