FURTUNA BILDT/ Pse miku i Millosheviçit shfaqet pikërisht në këtë moment?!
Në kulmin e debatit për ndarjen, shkëmbimin ose korrigjimin e kufijve me Kosovën, papritmas shfaqet në mediat miedokre shqiptare, Carl Bildt me shkrimin e tij autorial nga një gazetë amerikane, ku rrëfente se si Edi Rama i kishte thënë se është dakord me ndarjen e Kosovës.
Këto media mediokre që sponsorizohen nga Ilir Meta nuk e marrin as mundin ti sqarojnë këtij populli pa memorie historike, se kush është ky Carl Bildt, por u mjaftuan pse ai zbulonte një fakt, sipas tyre tmerrues, që kryeministri i Shqipërisë qenka për ndarjen e Kosovës.
Që Ilir Meta dhe Edi Rama janë për ndarjen e Kosovës, këtu nuk ka asgjë të re, madje edhe sikur të pretendonin ta zhduknin fare, nuk është çudi, por meqë miku i Carl Bildt, Sllobodan Millosheviç dështoi në një projekt të tillë, deri sa të ekzistoj SHBA, të gjithë do të dështojnë pa dyshim.
Po ti kthehemi personit Carl Bildt! Sikur t’ja mendonte të mirën Kosovës, Carl Bildt nuk ka se pse spiunon atë që ka thënë Edi Rama, ka mundur ta spiunonte Millosheviçin dhe nuk kishin se pse të vriteshin 12.000 shqiptarë në Kosovë.
Por Bildt si protagonist i shpërbërjes së Jugosllavisë dhe mik i kriminelit Sllobodan Millosheviç, i kushtoi shumë kroatëve dhe boshnjakëve.
Bildt në Sarajevë
Në 20 vjetorin e shtetrrethimit të Sarajevës nga forcat e Sllobodan Millosheviçit, ditë kur mbeten të vrarë 11.541 njerëz, ish-zdhënësja e Gjykatës së Hagës, Florence Hartmann u trondit kur pa në mesin e të ftuarëve ministrin e Punëve të Jashtme të Suedisë, Carl Bildt.
“Nuk është dashur të vij sot. Pse u shfaq pikërisht në ditën e sotme? Është dashur të vij kur mund të bënte diçka. E kur mund të bënte diçka, ai thoshte se ‘Millosheviçi është çun i mirë’ dhe një gjë e tillë është e shënuar në transkripte. Ai nuk meriton të jetë këtu,” e tmerruar thotë Hartmann deri sa Carl Bildt po injoronte fjalët e saj, shkruante e përditshmja kroate “Veçernji list” më 10 prill të vitit 2012, ndërsa gjithë ngjarjen e cila ishte në prag të një incidenti të përmasave më të mëdha, e regjistruan kamerat, e videoja u transmetua në Dnevnik.hr.
Duke sqaruar se ky është një vend i lirë dhe ajo mund të shprehë mendimin e saj, gjithashtu e pranoi se edhe Bildt mund të shpreh qëndrimin e tij.
“Por, me politikën e tij, si përfaqësues i BE nuk ka bërë asgjë që të ndërprente vuajtjet e Sarajevës dhe gjithë Bosnjes. Për këtë asrye mendoj se ai nuk e ka vendin këtu,” ka përfunduar Hartmann me rastin e këtij përvjetori i cili shënoi një incident që riktheu tek opinioni boshnjak, bëmat e Millosheviçit dhe Bildtit.
Pas Srebrenicës mbronë serbët, dënoi operacionin “Stuhia”
Kishte të drejtë ish-zëdhënësja e Gjyaktës së Hagës, Folernce Hartmann, kur në 20 vjetorin e shtetrrethimit të Sarajevës sulmoi Carl Bildtin, të dërguarin e posaçëm të BE për Ish-Jugosllavinë.
“Ai nuk meriton të jetë këtu sot,” ishte e qartë Hartmann derisa Bildt i kthente kurrizin. Më pas do ti përgjgijet se “po shpërndanë gënjeshtra”.
Për fatin e tij të keq, Hartmann i din faktet. I dijnë edhe në diplomacinë kroate, kur Bildt me vite të tëra ishte shpallur “person non grata” në Kroaci.
Dokumentat të cilat diplomatët kroatë pranë misionit të Kroacisë në OKB nga Gjeneva i dërgonin në Zagreb nga mesi i viteve -90-të dëshmojnë për mbështetjen e Bildt për politikën serbe.
Më 19 korrik të vitit 1995, diplomati kroat Madey dërgon në Zagreb një dokument sekret. Diplomati kroat lavdëron Van den Broekun, i cili në takimin e Këshillit të Ministrave të BE u angazhua që bashkësia ndërkombëtare nuk guxon të gjunjëzohet para fuqisë së armës së të fortit, dhe ti mohoj më të dobëtit të drejtën për tu vetëmbrojtur. Ai shkruan se Vand den Broek iu kundërvu hapur Carl Bildtit. Në po atë mbledhje, theksohet se Bildt “më shumë kritikë dhe përgjegjësi (për rënien e Srebrenicës) i mveshte aksioneve të Armatës së Bosnje Hercegovinës, dhe ushtrisë kroate HVO, deri sa theksoi se serbët e Bosnjes angazhohen vërtetë për ndërprerjen e luftës”.
Në shkresën tjetër të 31 korrikut të po këtij viti, May i zbulon Zagrebit përmbajtjen e “Pakos Bildt” për të cilin ai kishte rënë dakord me Sllobodan Millosheviçin. Republika Federale e Jugosllavisë pranonte kufijtë e Bosnje Hercegovinës, por ajo do të jetë një union i Federatës dhe Republikës Srpska, dhe për këtë Jugosllavisë së Millosheviçit do ti hiqeshin sanskionet
Rolin e tij më të rëndësishëm kundër interesave të Kroacisë, Bildt e luajti në ditën e fillimit të operacionit të forcave kroate ndaj rrebelëve serb, i njohur si “Stuhia”. Fjalët nga deklarata e tij ishin profetike:
“Ofansiva kroate kundër zonave të banuara me serbë duhet të dënohet sa më shpejtë… kjo do të hedhë hije të zezë mbi Kroacinë për një kohë të gjatë… Martiç është akuzuar për krime lufte sepse bombardoi Zagrebin, është vështirë të shohësh çfarëdo lloj dallimi në mes të këtij aksioni dhe bombardimit të Kninit, për të cilin tani duhet të përgjigjet Tugjman,” shkruante Bildt, i cili, i mësuar me politikën (britanike) se deri tek paqja mund të arrihet vetëm me kompromise të kroatëve dhe boshnjakëve ndaj serbëve më të rëndësishëm strategjik, arriti të jetësoj edhe akuzën e “Stuhisë” në Hagë. Dhe ashtu siç shkruante Hartmann, Gjykata e Hagës fshehu ndërhyrjen e Serbisë në Bosnje Hercegovinë dhe Kroaci. Tugjmani vdiq, e për “Stuhinë” në Hagë u dënuan gjeneralët kroat Gotovina dhe Markaç.
Larg duart nga Kosova
Ndarje ose shkëmbim, korrigjim ose përcaktim i kufijve të Kosovës, kjo nuk është çështje që i takon një miku të kriminelit të luftës Sllobodan Millosheviç.
Leksionet e një njeriu që nuk sheh kur forcat serbe vranë 12.000 boshnjakë, dhe kritikon forcat kroate që çlirojnë territorin e tyre të okupuar nga forcat e Millosheviçit, nuk i duhen Kosovës.
Gjykimi më i lig i Carl Bildt se sa Arkanit për veprimin e forcave serbe në Kroaci, nuk e bënë atë “non grata” vetëm në Kroaci. Sot kur janë publikuar video të shumëta për bëmat e forcave paramilitare në Kroaci, Bosnje Hercegovinë dhe Kosovë, dhe nuk është kërkuar asnjë falje formale e këtij njeriu, që fajtorin e identifikonte vetëm përballë këtyre forcave kriminale, tregon për bindjen e këtij njeriu që bënë sikur e njeh Ballkanin.
Sot kur edhe Aleksandar Vuçiç shkon dhe i përkulet viktimave të Srebrenicës pa e fajësuar Armatën e Bosnje Hercëgovinës, siç bënë Carl Bildt, tregon se “spiuni” i Edi Ramës është shumë më i ligë se sa një rrëfyes i një bisede mes dy proserbëve.
Dhe, një akuzë të pak kohëve më parë që Carl Bildt e bëri pikërisht në po këtë media amerikane. Ai akuzoi presidentin e shtetit më të dashur për shqiptarë, krijuesit të Kosovës, SHBA, për Presidentin e të cilit vend, tha: Donal Trump po shkatërron Perëndimin!
Këto besoj se mjaftojnë për ti thënë: Carl Bildt largë duart nga Kosova!
