Futbolli shqiptar në zi, Klubi i Tiranës: Lamtumirë kampion!

Klubi i Tiranës dhe futbolli shqiptar sot janë në zi.

Ish-futbollisti legjendë i bardhebluve, Ali Mema, është ndarë nga jeta në moshën 76-vjeçare.

Ali Mema është babai i trajnerit aktual të Tiranës, Ardian Memës.

Klubi i Tiranës në një postim në faqen zyrtare në Facebook ka shprehur ngushëllimet për ndarjen nga jeta të ikonës së familjes bardheblu

U prehsh në paqe Ali Mema

Është ndarë sot nga jeta Ali Mema, një nga ikonat e familjes bardheblu. Ish futbollist, trajner dhe pjesë e rëndësishme e historisë së klubit.

Ali Mema është ndarë nga jeta në moshën 76-vjeçare pas një sëmundje të rëndë.

Klubi i Futbollit Tirana i gjëndet pranë familjes Mema në ketë moment të veshtirë. I gjithë komuniteti bardheblu ngushëllon trajnerin e Tiranës Ardian Mema për humbjen e babait të tij.

Homazhet do të mbahen nesër, nga ora 10:00 – 12:00 pranë stadiumit “Selman Stermasi”.

Lamtumirë kampion!