Fyen dhe gënjen edhe në OKB, Vuçiç: Serbia kurrë nuk ka shkel në territorin e një shtetit tjetër!

Ndryshe nga liderët e tjerë botërorë, Presidenti i Serbisë, Aleksandar Vuçiç, e përdori foltoren e Asamblesë së Përgjithshme të OKB për të fyer liderët e fuqive të mëdha duke filluar nga Presidenti i SHBA ndërsa foli vetëm për Kosovën! Me fyerje vazhdoi edhe ndaj atyre që ndërprenë gjenocidin serb ndaj popullit shqiptar të Kosovës në vitin 1999 ndërs falënderoi ata që nuk e njohën shtetin e Kosovës.

Në leksionin mbi parimet dhe respektimin e sovranitetit dhe integritetit territorial, siç duket fjalimi i tij ishte shkruar nga një bashkëmendimtar i Dobrica Çosiçit, sepse pjesa më e madhe ishte mashtrim dhe gënjeshtra serbe.

Duke shpërfill historinë serbe ai nuk respektoi të pranishmit duke u thënë se “Serbia kurrë nuk ka shkel në territorin e një shtetit tjetër” ndonëse që të gjithë janë dëshmitarë të masakrave serbe të drejtuara nga Presidenti i Serbisë, Slobodan Milosheviç, në Kroaci dhe Bosnje Hercegovinë, pasi ato u anëtarësuan në OKB, duke u finalizuar me masakrën më të tmerrshme pas luft së dytë botërore, atë në Srebrenicë!

Por, këtë më mirë se Dobrica Çosiç nuk e shpjegon njeri, se serbët jetojnë me gënjeshtra, nga ato ushqehen dhe nuk duan jetë tjetër.

Gjithsesi, ky kriminel i Slobodan Milosheviçit, sot nga foltorja e Asamblesë Parlamentare të OKB-së e flloi fjalimin duke u prezantuar “si përfaqësues i një shteti të lirë dhe të pavarur, Serbisë, e cila ndodhet në rrugën drejt BE-së” duke mos fshehur filorusizmin që e karakterizon çdo serb!

“Por, nuk është e gatshme të shkel miqësitë e saj tradicionale që i ka ndërtuar me shekuj. Tre ditët e fundit kishim rastin të dëgjojmë nga kjo foltore se si të gjithë betohen për respektimin e pariimeve dhe rregullave të Kartës së OKB, dhe pikërisht shkelja e tyre është rrënja e shumicës së problemeve të së drejtës ndërkombëtare, por dhe moralit bazik jetësor, që me luftë dhe dhunë realizojnë interesat e tyre,” tha Vuçiç dhe të parin e akuzoi Presidentin e SHBA.

“Këtu në këtë sallë, vetëm para dy ditëve, kishim rastin të dëgjojmë nga Presidenti i Amerikës, se parimi kryesor në marrëdhëniet mes dy shteteve është respektimi i sovranitetit dhe integritetit territorial të tyre, dhe si faktor i tretë për nga rëndësia u përmendën të drejtat e njeriut! Dhe, të gjithë në këtë sallë e mbështetën. Unë si president i Serbisë e përshëndeta duke mos fshehur kënaqësinë,” tha ai duke folur për problemin, që sipas Vuçiçit pasoi:

“Vetëm disa orë pas fjalimit të e pashë presidenten e të ashtuquajturës Kosovë, të cilën pjesa më e fuqishme e Perëndimit e konisderon presidente të shtetit të pavarur, e cila është krijuar me shkëputjen nga territori i Serbisë,” tha Aleksandar Vuçiç duke mos u mjaftuar me përbuzjen që i bëri presidentit amerikan por vazhdoi me shefen e diplomacisë gjermane. 

“Njëkohësisht, vetëm disa metra larg kësaj salle, ministrja gjermane tha se Gjermania respekton fortë Kartën e OKB, vendimet dhe aktet e Kombeve të Bashkuara dhe nuk do heqë dorë kurrë nga kjo. E gjitha kjo do të ishte e bukur sikur të ishte e vërtetë,” tha ai duke akuzuar jo vetëm shefen e diplomacisë gjermane por dhe fuqitë perëndimore:

“Kanë shkelur brutalisht Kartën e OKB, dhe Rezolutën 1244 të KS OKB, e cila është marrë në këtë godinë duke mohuar dhe shkelur të gjitha partimet që mbrojnë sot, e kjo ka ndodhur para 24 dhe 15 viteve.”

Me këtë akuzoi fuqitë më të mëdha perëndimore pse sulmuan Serbinë pa një vendim të Këshillit të Sigurimit në emër të “parandalimit të katastrofë humanitare” dhe sot, thotë ky kriminel i rangut botëror, se këto fuqi u gajasën kur presidenti i Rusisë i përdori këto fjalë për të sulmuar Ukrainën!  

“Harruan se edhe ata kanë përdor fjalë të ngjashme dhe po ato asyetime. Para së gjithash, dua t’ju informoj se Serbia kurrë me asnjë hap nuk ka shkelur në territorin e një shteti tjetër, dhe nuk ka cenuar ekzistencën e saj,” tha Vuçiç duke harruar krimet shtetërore serbe në Kroaci, Bosnje Hercegovinë dhe Mal të Zi edhe kur ato u bënë anëtare të OKB-së.

Për Kosovën hodhi një lum të pavërteta duke filluar me ndërhyrjen e Perëndimit në vitin 1999, ku foli për të vrarët serbë gjatë bombardimeve por jo dhe dhjetëra mijëra shqiptarë të vrarë, mbi 20 mijë vajza të përdhunuara, të gjitha shtëpitë e shkatërruara dhe mbi 800 mijë shqiptarë të dëbuar nga vatrat e tyre nën dhunën e policisë dhe ushtrisë serbe!

Por, gënjeshtrat nuk i përfundoi me përfundimin e luftës në Kosovë, gënjeu edhe për terrorin e sotëm shqiptarë ndaj serbëve, 70 për qind të serbëve që janë larguar nga Kosova, dhe sipas këtij krimineli që Kryeministri Edi Rama vazhdon ta kursej, sot në Kosovë jetojnë 300 mijë shqiptarë më shumë se kurrë.

“Paqja është bërë fjalë e ndaluar, sepse të gjithë kanë favoritët dhe fajtorët e tyre. Vlera e vetme e cila u ka ngelur fuqive të mëdha janë parimet, por të rreme,” tha Vuçiç duke akuzuar Perëndimin që i referohet këtyre parimeve për të vazhduar me përditshmërinë në Kosovë, ku sipas tij, serbët keqtrajtohen, përdhunohen dhe vriten nga pushteti i Albin Kurtit ndërsa nuk ka as edhe një shqiptar të lënduar!.

Arrestimin e tre kriminelëve serbë të luftës ai e quajti “kontigjent” por nuk foli për dhjetëra policë të Kosovës dhe ushtarë të KFOR-it që u plagosën nga kriminelët serbë, madje nuk shprehi as keqardhje për ushtarin hungarez të cilit iu amputua këmba nga plagët e marra në protestat serbe.

Dhe, pasi mbrojti qëllimet e Rusisë në Ukrainë, duke menduar se bota nuk e dinë që ai nuk mbështetë politikën evropiane ndaj Moskës kriminale, dhe nuk i përmbahet asnjë Marrëveshjeje të arritur me Kosovën por kërkon vetëm formimin e Asociacionit, vazhdoi:

“Serbia është në rrugën evropiane, e gatshme të ndryshoj, e gatshme për reforma dhe e gatshme të përparoj . Serbia sot ka bashkëpunim shumë të mirë me Amerikën gati në të gjitha fushat, dhe besojmë se marrëdhëniet tona do jenë në të arrdhmen vetëm të mira,” tha Presidenti i Serbisë duke harruar se çfarë tha pak çaste më parë për Presidentin amerikan, duke e ngatërruar shtetin e tij kriminal me Amerikën, ku më shumë se çdo i dyti serb i thotë “Vuçiç Peder” dhe ky e merr për kompliment!

Përkundër gjithë kësaj panorame kriminale të shtetit që drejton, Vuçiç vazhdoi nga foltorja e Asamblesë së Përgjithshme të OKB:  

“Nuk do të ndërprejmë miqësinë tradicionale me Rusinë. Besojmë se dialogu është mënyra e vetme për gjetjen e një zgjidhje kompromisi. Serbia mbetet e përkushtuar në këtë proces për të siguruar bashkëjetesë të qetë për serbët dhe shqiptarët. Paqja nuk ka alterantivë. Dëshirojmë të ndërtojmë ura, dhe jo mure,” tha Presidenti i Serbisë, Aleksandar Vuçiç, dhe duke e kuptuar se e ka tepruar e përfundoi:

“E di që kam folur shumë më shumë se sa që më është kërkuar, por më duhet të them se i dhashë atë të drejtë vetes, që fuqitë e mëdha i kanë dhënë vetëm vetes së tyre!”