Gara për Drejtorin e BKH, publikohen 8 kandidatët e kualifikuar

Komisioni i Përzgjedhjes ka publikuar emrat e 8 kandidatëve të kualifikuar për Drejtorin e Byros Kombëtare të Hetimit, BKH, pas testit të kryer fizik dhe logjik.

Përmes një njoftimi, Drejtuesi i Prokurorisë së Posaçme SPAK, Arben Kraja, bënë me dije sot se si pasojë e rezultateve të larta të aplikantëve, thekson se Komisioni ka rritur numrin e personave që do të konkurojnë në fazën e fundit nga 6 në 8.

Kështu, Komisioni i Përzgjedhjes ka vendosur që garën për Drejtorin e BKH-së do të vazhdojnë: Aida Veizaj, Ardian Çipa, Artur Beu, Ervin Hodaj, Gentjan Shehaj, Lindita Nushi, Idajet Faskaj, Ylli Pjetërnikaj.

NJOFTIM

E premte 14.02.2020

Komisioni i Përzgjedhjes për Drejtorin e BKH-së ka përfunduar vlerësimin e testit të aftësive fizike, testit të arsyetimit logjik dhe të aftësive për të shkruajtur raporte dhe ka llogaritur pikët totale për secilin kandidat, për të identifikuar kandidatët më të mirë për Drejtor të BKH-së, që do të marrin pjesë në fazat e tjera të përzgjedhjes.

Komisioni mbeti shumë i kënaqur nga cilësia dhe performanca e aplikantëve, dhe si pasojë ka vendosur që të rrisë numrin që do të konkurojë në fazat e fundit nga 6 në 8 kandidatë. Më poshtë jepet lista e kandidatëve që do të ftohen të marrin pjesë në fazat e mëtejshme të përzgjedhjes.

Aida Veizaj

Ardian Çipa

Artur Beu

Ervin Hodaj

Gentjan Shehaj

Lindita Nushi

Idajet Faskaj

Ylli Pjetërnikaj

Drejtues i Prokurorisë së Posaçme

Arben Kraja