Gara për Këpucën e Artë, ja lojtarët pretendentë…

Kampionati Botëror sa ka filluar, ndërsa ka nisur edhe gara për golashënuesin më të mirë të këtij turneu.

Këpuca e Artë i ndahet lojtarit, i cili shënon më shumë gola gjatë turneut, ndërsa në të kaluarën e ka fituar edhe legjenda, si ylli portugez Eusebio (1966), italiani Paolo Rossi (1982), anglezi Gary Lineker (1986), braziliani Ronaldo (2002) dhe kolumbiani James Rodriguez (2014).

Në rast se lojtarët kanë gola të barabartë (siç ka ndodhur në vitet 1962 dhe 1994), atëherë golashënuesi më i mirë do të vendoset duke i marrë parasysh asistimet, pastaj nga minutazhi i lojës.

Superylli i Portugalisë, Cristiano Ronaldo, e nisi Botërorin në mënyrën më të mirë duke ia shënuar tre gola Spanjës në barazimin prej 3-3.

Një fillim shumë të mirë e pati edhe Harry Kane, i cili i shënoi dy gola në fitoren e Anglisë ndaj Tunizisë.

Dy gola i ka shënuar edhe sulmuesi i Spanjës, Diego Costa, ashtu si edhe sulmuesi belg, Romelu Lukaku.

Mesfushori rus, Denis Cheryshev, shënoi dy gola në ndeshjen e parë ndaj Arabisë Saudite, ndërsa ka arritur të realizojë edhe kundër Egjiptit në ndeshjen e dytë të Grupit A duke e ngritur në tre numrin e përgjithshëm të golave.

Më poshtë është lista e përgjithshme e 10 golashënuesve më të mirë të Kampionatit Botëror në këtë fillim të turneut.

Cristiano Ronaldo (Portugali) 3
Denis Cheryshev (Rusia) 3 (dy ndeshje)
Diego Costa (Spanjë) 2
Harry Kane (Angli) 2
Romelu Lukaku (Belgjikë) 2
Artem Dzyuba (Rusi) 2 (dy ndeshje)
Aleksandr Golovin (Rusia) 1
Hirving Lozano (Meksikë) 1
Antoine Griezmann (Francë) 1