Gara për Prishtinën, nuk premton as Kryetar të mirë as të ardhme të partive!
Pas zhgënjimit me përbërjen e re parlamentare të 9 Shkurtit 2025 e cila nuk arriti as të konstituoj legjislaturën e nëntë të Parlamentit të Kosovës, partitë politike u futën në garë për zgjedhjet lokale të 12 Tetorit me oferta edhe më të dobëta.
Gara për Prishtinën është shembulli më i qartë se sa joserioze janë partitë politike në Kosovë jo vetëm kur mendojnë për të parin e kryeqytetit, por, në rastet edhe më të rëndomëta për njeriun që mund të trashëgoj postin e kryetarit të partisë!
Kanadidatët për Kryetarë të Komunës Prishtinë të tre partive më të mëdha në Kosovë, LVV, PDK e LDK, mund të jenë vetëm vepimtarë të zellshëm të këtyre partive që nuk duhet të jenë kandidatë për kryetarë; Dhe, për fat të keq, i vetmi kandidatë që ia vlenë dhe Prishtina duhet ta ketë për nderë, Jeta Statovci, vjen si kandidate e partisë që më shumë ka fraksione se sa anëtarë partie.
Lidhja Demokratike e Kosovës, LDK, kishte rastin të vetëpastrohet në këto zgjedhje lokale duke sjellë një kandidat ndryshe që do vinte nga ajka e familjeve të Prishtinës ose dhe bota akademike e angazhuar në mbrojtjen e trashëgimisë së kryeqytetit, duke ju shmangur menaxhimit nga biznesi që e drejton dhe sot ka marrë dhe damkën, Lidhja e Devollëve të Kosovës!
Pse Lumir Abdixhiku nuk mundi të ringjallë këtë parti kjo duhet të trajtohet si e kaluar, pse Përparim Rama dështoi si Kryetari i Komunës Prishtinë ndonëse i ardhur nga një botë tjetër kjo mund të jetë temë e një studimi në të ardhmen, por, LDK nuk duhej ti lejonte vetes që për të parin e kryeqytetit ta kandidoj sërish njeriun që për idhull ka njërin ndër kryetarët e komunave më hajdut të Evropës, tashmë në burg, atë të Tiranës, Erion Veliaj!
Dhe, ndonëse ka dështuar në mandatin e kaluar me menaxhimin e kryeqytetit, vetëm fakti se ai sukses e quan rehabilitimin e Tunelit të Kurrizit duke e përuruar si “hapje”, kur kryeqytetet e rajonit hapin tunele për ti bashkuar metropolet e tyre me detin ose me metropolet tjera, Përparim Rama e merr me plotë meritë certifikimin për të mos u kandiduar për Kryetar të Komunës Prishtinë, sa të jetë jeta!
Në fund, Përparim Rama e humbi dhe rastin të ulet në fronin e kryetarit të partisë, rast të cilin pak kush do ta ketë kaq real, deri sa të ekzitoj kjo parti!
Uran Ismaili mund ta ketë fiksim të bëhet Kryetar i Komunës Prishtinë, por rezultati i zgjedhjeve të vitit 2021, kur ai kishte rastin më të mirë për të ngadhnjyer pas drejtimit mizerabël të kryeqytetit nga Shpend Ahmeti, tregon se ai nuk ka lidhje me politikën, pavarësisht se e gjithë partia vazhdon e përsëritë se sa djalë i mirë që është; Kur kësaj i shtohet se ai nuk u rendit as i dyti, por i treti fare,në zgjedhjet e vitit 2021, këtë kandidim e bënë edhe qesharak!
Por, kandidimi i Uran Isamilit nuk tregon vetëm se ai nuk do të fitoj, por dëshmon se kjo parti për kaq vite sa ekziston, dhe ka shënuar rezultate edhe në drejtimin e vendit, nuk ka aftësi të prodhoj qoftë dhe një lider për kryeqytet, dhe, në fund, nuk po mendon as të fitoj në zgjedhjet parlamentare me kandidatura kaq joserioze!
Në fund, nuk duhet as të mendohet pastaj se kjo parti po mendon për ripërtrirjen e elitave, aq më shumë kur PDK vazhdon të vlerësohet si parti që e çon vendin përpara duke pasur parasysh rezultatet e dy kryetarëve të saj, që aktualisht janë në Gjykatën Speciale në Hagë!
Me kandidimin e Hajrulla Çekut, Lëvizja Vetëvendosje tregoi se nuk çalon vetëm në përzgjedhjen e kandidaturës për Kryetar të Parlamentit të Kosovës, por edhe për Kryetar të Kryeqytetit.
Çdo kandidat tjetër nga 55 sa janë listë përveç Hajrulla Çeku mund të kandidonte për këtë post, por vetë Hajrullau kurrë; Ai mund t’ja bëjë vetes pyetjen se pse iu deshtë të ekspozohet në konfliktin me Përparim Ramën në qendër të Prishtinës, por meqë e kishte për zemër të tregoj para Komandantit se kush është dhe të mos lejoj që projekti në kryeqendër të zgjidhet në suaza ligjore, meqë hapur ishte shkelur ligji, ai atëherë duhet ta paguaj këtë kosto të veprimeve idiotike!
Dhe, vetë LVV nëse mendonte ta fitonte kryeqytetin, pas krizës së krijuar në Parlamentin e Kosovës, kishte kandidaten e partisë Guxo, Jeta Statovci, që në zgjedhjet parlamentare e kishte pranuar edhe si kandidate për deputete.
Pse nuk e kandidoi, sot, ndoshta nuk është pjesë debatit, por, gjithësesi do të jetë pjesë e analizës së humbjes së zgjedhjeve të 12 tetorit 2025.
AAK padyshim që do të jetë pjesë e kësaj gare, por derisa të mos gjejë një kandidaturë serioze si Besnik Tahiri, kjo parti nuk ka as arsye të kandidoj dikë për Kryetar të Komunës Prishtinë; Madje në momentin kur të kandidoj me një kandidat të nivelit të Besnikut, kjo parti edhe mund të mburret se nuk është më vetëm Dukagjin!
Dhe, që AAK të mos jetë katastrofa e kësaj gare, aty është PSD-ja idiote “par excellence”!
Parti nuk u bë dot sepse askush nuk ka bërë parti të fuqishme për inatin e tjetrit, siç vepruan këta trima të vrerosur sociademokrat, por, kjo parti nuk respekton as parashikimin e yjeve; Besa Shahini u bë Ministrie e Arsimit në Shqipëri, sepse thjeshtë ishte çështje horoskopi që ndikoi në çmendurinë e Edi Ramës, dhe kjo nuk ka lidhje as me aftësitë dhe as përvojën e Besës!
Kur, kësaj i shtojmë edhe faktin se kjo parti më shumë çon analista në Televizionin e Devollëve se sa ka protestues në protestat që organizon kur Albin Kurtit, pretendimi se mund të zgjedhë Kryetarin e Komunës Prishtinë, qoftë kjo dhe Besa Shahini, tejkalon edhe çmenduritë e kampionit Edi Rama!
Në fund, me studimet bachelor të përfunduara në Rochester Institute of Technology, në Ekonomi dhe Menaxhment, dhe studimet master në “Ekonomi dhe Politikat Shëndetësore” në London School of Economic, në Mbretërinë e Bashkuar, Jeta Statovci, padyshim e meriton të jetë jo vetëm kandidate, por, Kryetare e Komunës Prishtinë nuk bëhet dot sepse është në kohën dhe vendin e gabuar, për këtë post.
Si kandidate e koalicionit qeverisës aktual, Jeta Statovci patjetër që mund t’i jepte më shumë kryeqytetit dhe jo vetëm si Kryetare, por si kandidate e partisë Guxo e ka të pamundur të merrë mbështetjen e anëtarësisë së tre partive aq shumë të sëkëlldisura nga (mos)sukseset e partive rivale, sa që nuk po arrijnë të gjejnë as edhe një kandidat për kryeqytetin!
Situatë, që nuk premton as Kryetar të mirë të Komunës Prishtinë, as të ardhme të partive që kanë fatin e Kosovës në duar!
