Gardiani i studiove televizive dekreton Ministrin e Brendshëm, Sandër Lleshaj

Pas garës në përplasje me kryeministrin në rrjetet sociale, Presidenti i Republikës e zhvendosi garën në studiot televizive.

Pëkundër halleve të mëdha që ka ky vend dhe faktit se ai është votuar nga Parlamenti i Shqipërisë si gardian i Kushtetutës, ingranazhet mediatike të Presidentit flasin vetëm për Dekretimin e ose jo të ministrit të Brendshëm, Sandër Lleshaj dhe betejën që Ilir Meta po e fiton karshi Edi Ramës.

Dhe, finalja e kësaj beteje është monstruoze sa edhe vetë beteja!

Sot në orët e pasditës, të gjitha mediat, televizione dhe portale, u hodhën në raportimin e lajmit ekskluziv, ku për cudi, që të gjithë e kishin “burime për…”, se Presidenti Ilir Meta e ka marrë vendimin e tij për Sandër Lleshajn, të propozuar nga Edi Rama për ministër të Brendshëm.

Arsyetimin, gjithashtu nuk e publikoi njeri, por lajmin se Presidenti Ilir Meta e ka marrë këtë vendim dhe do ta shpjegojë mbrëmjen e sotme në orën 21:00 në studion e … e kishin që të gjithë.

Një epokë e re është në horizont: Dekretet dhe vendimet do të vazhdojnë të merren në Presidencë dhe do të bëhen publike në studiot televizive. Tashmë kemi edhe Gardian të emisioneve televizive pse duhet vetëm kryeministri ta bezdis gjatë gjithë ditës miletin në ekran …