Gati për Protestën e Madhe!

Ndonëse Ish-Gjeneral Sandër Lleshi nuk është dakord me vendin ku opozita ka parashikuar të zhvilloj Protestën e Madhe më 16 shkurt dhe refuzoi protestimin përreth Kryeministrisë, dhe nga ana tjetër Partia Demokratike i ka bërë të qartë Policisë së Shtetit “ky  kufizim përbën pengim të paligjshëm dhe jo proporcional të lirisë së tubimit dhe si i tillë nuk mund të merret në konsideratë nga ana jonë,” të gjitha degët në rrethe tashmë janë gati për protestë.

Kështu Kukësi nuk është penguar as nga bllokimi që Edi Rama i ka bërë rrugëve, dhe pas mesazhit që i tha kryeministrit me protestën madhështore që u zhvillua në këtë qytet më 8 shkurt, me pjesëmarrjen e kryetarit të PD, Lulzim Basha, nisja e tyre drejtë Tiranës është organizuar për nesër në orën 07:00, me një arsye të qartë:

“Mirënjohja e 8 shkurtit për kuksianët, thirrje dhe obligim për 16 shkurtin. Së bashku në Tiranë të mbrojmë të ardhmen tonë!”    

Kryetari i ri i Partisë Demokratike në Shkodër, Xhevdet Amuli, në përgatitjet për Protestën e Madhe vend të veçantë i ka kushtuar të rinjëve shkodranë ku në një diskutim rreth problemeve me të cilat të rinjtë përballen, ato të studentëve dhe problemet ekonomike që po i detyrojnë drejt emigracionit.

“Jemi të bindur që të bashkuar do t’ia dalim!” është i bindur kryetari i PD Shkodër, Xhevdet Amuli.

Në Dibër, takimi me strukturat e Partisë Demokratike kanë vazhduar edhe pas protestës së suksesshme në Peshkopi, me të gjitha grupseksionit. Qeverisja në nivel lokal ,degradimi i arsimit dhe varfëria ekstreme që ka pushtuar Dibrën  ishin tema të diskutimit në çdo takim.

Kjo papërgjegjshmëri, arrogancë dhe braktisje që  kanë arritur kulmin ndaj populli, janë arsyet kryesore thekson  opozita në Dibër dhe Partia Demokratike që ata do të jenë në protestë me 16 shkurt në Tiranë.

Kundër varfërisë, papaunësisë dhe taksave, bënë thirrje për Protestën e Madhe edhe Dega e PD Krujë. Duke njoftuar qytetarët e Krujes se nisja për ne protesten e 16 Shkurtit do bëhet e organizuar te Selia e Partisë Demokratike.

Ndërsa deputetja e PD, Orjola Pampuri ka zhvilluar takime intensive me demokratët e Kavajës, ku janë zhvilluar edhe disa protesta kundër varfërisë e qeverisë së korruptuar.

Varfëria, papunësia, mungesa e shpresës dhe lënia në harresë e fermerëve të zonës, i bën të gjithë bashkë për të qenë më shumë se kurrë, të shtunën më 16 Shkurt në Tiranë, është mesazhi I qartë nga takimet e Kavajës dhe Rrogozhinës me çdo grup seksion.

“Më 16 Shkurt të gjithë Kavaja dhe Rrogozhina drejt Tiranës, për të larguar të keqen e madhe të këtij vendi.”

16 Shkurti, dita kur shqiptarët, duhet të marrin fatin në duart e tyre. Dita kur duhet ti tregojnë këtij krye Ministri se Shqiptaret do ti thonë ndal, sjelljes arrogante të tij, talljes që u bënë qytetarëve të këtij vendi.

Është mesazhi i Partisë Demokratike Dega Fier, e cila në ftesën që i bënë bashkëqytetarëve fierak që të bëhen bashkë, në 16 Shkurt, për të protestuar në Tiranë, i drejtohen edhe socialistëve të ndershëm të lënë pas dore, të zhgënjyer nga Rilindja, të cilët vetëm sa i vjedhën, i gënjyen, i mashtruan,  ata po pasurohen për vetë dhe këta, ashtu si çdo shqiptar janë me keq nga ç’ishin.

“16 Shkurti është dita e qytetarëve. Të gjithë bashkë ja dalim,” është thirrja e Partisë Demokratike Dega Fier.

PS e Vlorës dhe institucionet shtetërore, kalojnë në gatishmëri të lartë! Në Vlorë do të vij Rama ! Të premten e të shtunën do të jetë në Vlorë ! Do të organizojë takime dhe i duhen njerëz ! Kaq ka mjaftuar që i gjithë shteti, si të ishte privat i Ramës, është vendosur në alarm. Drejtuesit e institucioneve po lajmërojnë punonjësit për takimet e Ramës. Pjesëmarrja do të jetë me listë prezencë dhe mungesat do të jenë të paarsyeshme dhe të ndëshkueshme.

Kulmi do të arrijë ditën e shtunë me atë që vetë socialistët po e cilësojnë si “antimiting” ndaj protestës mbarëqytetare të thërritur nga opozita në Tiranë. Urdhëri nga Rama është i prerë dhe kërcënues: 

Në shesh duhet të mblidhen jo me pak se 5 mijë veta!

Një situatë e tillë, si kjo e “antimitingut”, është e paprecedentë! Kjo tregon frikën e Ramës! Tregon përdorjen e shtetit e pushtetit!

Alarmin e jep Partia Demokratike Dega Vlorë duke shtuar se kjo tregon rrezikun e madh që i kanoset demokracisë në Shqipëri! Tregon përdorjen që tentohet t’i bëhet edhe njëherë tjetër Vlorës! Tregon të vërtetën e madhe që Rama i ka ditët e numëruara, prandaj dhe bënë thirrje: “Miq, të gjithë bashkë më 16 Shkurt për të shpëtuar vendin nga arroganca dhe bashkëqytetarët tanë që i kërcënon me vendet e punës për të mbushur karriket që sjell me vete për takimet fasadë të tij!”

Ndërsa Partia Demokratike Dega Korçë ashtu si të Shtunën e 9 Shkurtit, edhe për Protestën e Madhe fton të gjithë korçarët ti bashkohen protestës paqësore qytetare më 16 Shkurt në orën 11:00.

Protestojmë të gjithë, pa dallim bindje politike, moshe, feje etj, per:
të drejtat e studentëve, për uljen e taksave, për rritjen e pensioneve, ndihmës ekonomike dhe për papunësinë!

Ndërkohë kryetari i Partisë Demokratike, Lulzim Basha po zhvillon edhe takimet e fundit në kryeqytet, ku banorët e Njësisë 4, treguan mbështjejen e tyre për Partinë Demokratike dhe ldierin e saj Basha me sazhine qartë:

“Fryma e një të nesërme më të mirë, rizgjimi i shpresës do i bashkojë të gjithë të shtunën, me dt.16 Shkurt, në oren 11:00 në shesh!