Gaz lotsjellës dhe dhunë mbi protestues, Reagon Policia: Nuk jemi përfshirë në protestën te PD!

Përkundër thirrjeve për mos përdorim të dhunës nga Ambasada e SHBA dhe ajo e Britanisë Madhe, ai që përdor dhunë është Lulzim Basha me merecenarët e tij. Madje, mbi protestuesit është përdorur edhe gazi lotsjellës pas të cilit veprim ka reaguar edhe Policia e Shtetit duke u distancuar nga këto veprime dhe duke sqaruar se asnjë nga strukturat e Policisë së Shtetit të angazhuara për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.

Ky është një prej momenteve kur njerëzit e Lulzim Bashës që qëndrojnë brenda selisë së PD-së kanë sulmuar me gazlotsjellës dhe shkopinj druri disa mbështetës së Berishës që u ngjitën në katin e dytë. Një prej protestuesve është plagosor në kokë pas goditjeve që mori.

Policia e Shtetit

Sqarojmë opinionin publik se asnjë nga strukturat e Policisë së Shtetit të angazhuara për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.

Policia e Shtetit është tërësisht e angazhuar për të garantuar rendin e sigurinë dhe u bën thirrje qytetarëve që të distancohen nga çdo akt dhune apo prishje e rendit dhe sigurisë, pasi do të përballen me forcën e ligjit.