Gazetari kritik rus i Putinit gjendet i vdekur në Beograd
Gazetari i njohur rus Alexei Zimin është gjetur i vdekur në banesë që kishte marr me qira në Beograd.
Telegraf bënë të ditur se shkaku i vdekjes së 53 vjeçarit, gazetar kritik i politikës së Putinit dhe chef i njohur i kuzhinës, ende nuk është konfirmuar.
Mësohet se pronari i banesës që ai e kishte marrë me qira nuk arriti ta kontaktonte për shtatë ditë, kur erdhi te banesa e gjeti të vdekur. Telegraf raporton se kishte një plagë në kokë.
Alexei Zimin e ndërtoi karrierën e rëndësishme në media dhe kulinari, duke punuar për Afishin, i cili publikoi dhe lajmin për vdekjen e tij, ishte dhe kryeredaktor i disa revistave, duke përfshirë GQ dhe Gourmet. Gjithashtu ishte dhe editorialist për gazetat Kommersant dhe Vedomost. Krahas veprimtarisë gazetareske, Zimin ka drejtuar dhe emisionin televiziv “Gatimi me Alexei Zimin” si dhe ka shkruar disa libra gatimi.
Pas transferimit në Londër në vitin 2015, Zimin filloi karrierën e tij në industrinë e restoranteve ku dhe hapi restorantin dhe revistën Zima. Ishte kritik i ashpër i luftës në Ukrainë ndërsa kohë më parë publikoi një video në Instagram ku këndonte një këngë antiluftë, shkruan The Economist.
Pasi publikoi videon me këngën kundër luftës, emisioni i ti telelviziv rus “Gatimi me Alexei Zimin” u mbyll menjëherë në rrjetin televiziv NTV. Ish-Deputeti rus dhe politikani i njohur opozitar rus , Ilia Ponomarev, tha se emisioni i tij u anulua për shkak të “deklaratave antiluftë të drejtuesit të emisionit në rrjetet sociale.”
Kritik i ashpër i Putinit dhe luftës
Në fillim të luftës më 2022 Zimin publikoi në rrjetin social Instagram disa deklarata kundër luftës si “Kthejini ushtarët tanë në shtëpi” dhe “Ndaloni luftën. Tërhiqni trupat dhe ktheni ushtarët tanë në shtëpi”.
Si dhe ka shkruar: “Si gjithë të tjerët që janë rritur në BRSS, jamë edukuar me besimin se lufta është gjëja më e tmerrshme që mund të ndodh. Nuk ka arsyetim për luftë, por, edhe sikur të ketë, tani është vonë për të kërkuar falje. Siç ka kënduar Rosenbaum, duhet ndaluar këtë çmenduri” dhe “Lufta nuk është poker.”
Zimin u transferua në Mbretërinë e Bashkuar për të vijuar shkollën për kuzhinier në Londër, Le Cordon Bleu, ndërsa në vitin 2016 hapi restorantin Zima, të specializuar për gatime ruse. Ishte njëri ndër kritikët e shumtë antiluftë në Londër që rregullisht protestonin në afërsi të ambasadës.
Prej se u transferua në Mbretërinë e Bashkuar, Zimin thuhet se nuk u kthye më në Rusi, e pas hapjes së restorantit filloi që një pjesë të ardhurave ti dhuroi Kryqit Kuq për të mbështetur refugjatët ukrainas. Në vitin 2023, Zimin dhuroi rreth 30.000 paund në Kryqin e Kuq, raporton Sky News.
Edhe pse ishte zëri kritik i luftës, restoranti i Ziminit ishte në shënjestër të kërcënimeve dhe anulimeve të rezervimeve me fillimin e luftës. Për media u shpreh se njerëzit i thonin : “Ju derra rus” dhe “Duhet të mbyllni restorantin tuaj ose do ta bëjmë ne”.
