Gazetari serb mohon gjenocidin në Srebrenicë, Presidenti i Bosnjes largohet nga intervista
Gjenocidin nuk e mohon vetëm anëtari serb i Presidencës Bosnje Hercegovinës, Millorad Dodik, por të gjithë qytetarët serb që edukohen nga politika kriminale e Presidentit të Serbisë, Aleksandar Vuçiç, i cili ndonëse njihet si njëri ndër bashkëpunëtorët e Kancelares gjermane, Angela Merkel, e cila, siç duket, shumë çka e ka mësuar por jo dhe respektimin e viktimave të krimit shtetëror, siç bënë Gjermania!
I tillë ishte rasti i sotëm me Kryesuesin kroat të Presidencës së BeH, Zhelko Komshiç, i cili u detyrua të largohet nga intervista që po jepte për Agjencinë shtetërore serbe të lajmeve “Tanjug”, pasi gazetari serb mohoi se në Srebrenicë kishte ndodhur gjenocid.
Ndonëse Komshiç iu referua vendimit të Gjykatës ndërkombëtare ku thuhet se në Srebrenicë ishte kryer gjenocid, gazetari serb ishte i vendosur me qëndrimin e tij se “është kryer një krim i tmerrshëm”.
Trenutak kada je predsjedavajući Predsjedništva BiH Željko Komšić prekinuo intervju za Tanjug zbog negiranja genocida. pic.twitter.com/TNlFGqOynV
— TV N1 Sarajevo (@N1infoSA) November 9, 2021
Debati:
“Gjenocidi është gjenocid, nëse jemi njerëz, nëse duam të manipulojmë atëherë…” tha Komshiç
“S’ka nevojë për manipulim…” tha gazetari por ndërhynë Komshiç:
“Gjenocidi është gjenocid, me vendim gjykate, jeni dakord!”
“Unë nuk jam dakord me këtë konstatim,” tha gazetari serb!
“Pse nuk jeni dakord,” ngeli i habitur presidenti kroat i Bosnjes, të cilin debat u mundua ta kaloi gazetari i Agjencisë serbe “Tanjug” me fjalët:
“Po qëndrimi im nuk është i rëndësishëm, por…”
“Jo, jo, pse nuk jeni dakord” tha Presidenti i BeH duke këmbëngulur se është shumë i rëndësishëm qëndrimi i tij:
“Pse nuk jeni dakord me këtë konstatim?!”
“Ka ndodhur një krim i tmerrshëm,” tha gazetari serb!
“Jo, gjenocid është kryer, ashtu shkruan në vendimin e Gjykatës Ndërkombëtare të Hagës: Gjenocid!” tha Komshiç duke vazhduar:
“Nuk është krim i tmerrshëm, krime të tmerrshme ishin krimet tjera, ky ishte gjenocid.”
“Ky është qëndrimi juaj,” tha gazetari serb por u ndërpre nga Presidenti i BeH:
“Jo, vendim i Gjykatës!”
“Me të cilin ju jeni dakord,” vazhdoi gazetari serb me provokimet në Presidencën e një shteti që në fuqi është Ligji që mohimi i gjenocidit dënohet me burg, dhe Presidenti Komshiç nuk e fshehu habinë:
“Ju nuk jeni?!”
“Unë me këtë vendim të gjykatës nuk jam dakord,” tha gazetari i Agjencisë së lajmeve më kriminale në Evropë, “Tanjug”, që pasoi me largimin e Presidentit kroat të Bosnjes, Zhelko Komshiç, duke i sugjeruar gazetarit se mund ta gjejë dikë tjetër të bëjë intervistë.
Ndryshe, me urdhër të Përfaqësuesit të Lartë në BeH të datës 23 Korrik, është bërë ndryshimi i Kodit Penal ku mohimi i gjenocidit dënohet nga 6 muaj deri në 5 vjet burg.
