Gazetaria shqiptare në zi: Shuhet Fatos Baxhaku!

Gazetaria shqiptare në zi! Sot është ndarë nga jeta në moshën 55 vjeçare publicisti dhe gazetari i njohur shqiptar, Fatos Baxhaku.

Fatos Baxhaku prej kohesh vuante nga një sëmundje e rëndë, betejë të cilën e humbi sot në orët e pasdites.

Një penë e rrallë, autor i reportazheve që do të ngelen shembull i gazetarisë shqiptare dhe kritiku i pakompromis i tranzicionit shqiptar, Fatos Baxhaku, la gjumë të thella në gazetarinë poskomuniste.

Fatos Baxhaku ka lindur në Tiranë më 9 janar në 1964. Shkollimin e parë e kreu në shkollat asokohe 8-vjeçare, Emin Duraku dhe ” 20 Vjetori”, (sot Dora D’Istria). Shkollimin e mesëm e kreu në gjimnazin “Ismail Qemali”.

Përgjatë viteve 1982-1986 studioi në Universitetin e Tiranës në fakultetin e Histori-Filologjisë ku u diplomua në histori. Që nga 1986 e deri në 1992 punoi në Institutin e Historisë së Akademisë së Shkencave. Nga 1993 e deri në 1998 ishte bashkëthemelues, kryeredaktor dhe gazetar i “Gazetës Shqiptare”.

Në periudhën 1998-1999 ishte kryeredaktor i parë i lajmeve në televizionin “Klan”. Në 1999-2000 ishte kryeredaktor i revistës së përjavshme “XXL”.

Nga 2001 deri në 2005 ishte kryeredaktor dhe gazetar në televizionin “Vizion Plus”. Në 2006-20015 ishte kryeredaktor dhe gazetar në të përditshmen “Shqip”.

Fatos Baxhaku është autor ose bashkëautor i serialeve me reportazhe “Tunel” (Vizion Plus), “Rrugëtim” (Top Channel), “Shtëpa e Vjetër” (Digitalb).si edhe i shumë dokumentareve televizive.

Ka qenë disa herë pedagog i jashtëm i gazetarisë në universitetet e Elbasanit dhe Tiranës.

Ka qene anëtar i Komitetit Shqiptar të Helsinkit.

Bashkëpunëtor në shumë projekte trajnimi me Soros, USAID, Instituti Shqiptar i Medias, OSBE..

Botime

Die Stammmesgesellschaften Nordalbaniens – Wien 1996. (Bashkëautor Karl Kaser).Gur – 2008 Në Mirditë & rreth e rrotull – 2009

Roje – 2010

Çadra e kuqe : histori fatesh austro-shqiptare në shekujt XIX -XXI – 2013 Gra të përgjithshme – 2014 (me bashkëautore Klodiana Kapo)