Gazetaria shqiptare në Zi! Shuhet Nebil Çika

Sot gazetaria shqiptare është në zi! Shuhet njëri ndër gazetarët dhe botuesit më të mëdhenj shqiptar, zoti Nebil Çika!

Lajmin e kobshëm e bëri të ditur vetë familja përmes rrjeteve sociale.

“Me hidhërim te thellë dhe me dhimbje te madhe ju lajmërojnë qe u nda nga jeta babai jone i dashur Nebil Cika. Pritjet behen pranë ambienteve te Funeral Home Parajsa, pranë Nesherakut! Mbas ores 09:00. Varrimi ne oren 14:00 ne varrezat e Tufines,” thuhet në mesazhin e familjarëve të gazetarit.

Si pasardhës i emrit të madh shqiptar, gazetarit Nebil Çika, duke mbajt mbi supe një përgjegjësi shumë të madhe, Nebila Çika i riu, me devotshmëri dhe shumë kujdes arriti të bëhet njëri ndër zërat kryesor të shtypit shqiptar, fillimisht si gazetar, redaktor dhe kryeredaktor në disa media shqiptare dhe së fundi dhe botues i gazetës së trashëguar familjare “Minerva”.

Nebil Çika i riu u shua sot në moshën 58 vjeçare duke lënë të pikëlluar thellë më të dashurit e tyre, bashkëshorten Sheriarin dhe dy djemt, Gazmirin dhe Fatjonin, ndërsa gazetaria shqiptare humbi gazetarin e pazëvendësueshëm të së drejtës pa kompromis.

Ndërkohë të përndjekurit politikë humbën një luftëtarë të pakompromis në betejën e tyre për të vërtetën e krimeve komuniste, të cilët i përfaqësojë nga ditët e para të jetës së tij, më pas si kryetar i Shoqatës së Pëndjekurëve Politik dhe betejës në vijim deri në frymën e tij të fundit për të realizuar Hapjen e Dosjeve të Sigurimit të Shtetit dhe së fundi Ligjin për Lustracionin i cili sapo ka parë dritën e diellit dhe po diskutohet për tu miratuar në Parlamentin e Shqipërisë.

Sot Portali “PaFrikë.al” është gjithashtu në Zi, pas humbjes së madhe të një kolegu dhe bashkëpunëtori të pakompromis në luftën për të vërtetën dhe kundër komunizmit, armikut kryesor të qenies shqiptare!