Gazetarit të Fox News, Presidenti Biden: Sa i trashë biri kurvës!

Presidenti i SHBA, Joe Biden e quajti “biri kurve” një gazetar të Fox News i cili në Shtëpinë e Bardhë e pyeti lidhur me ndikimin e rritjes së inflacionit në zgjedhjet për Kongres.

Duke dalë nga takimi i Këshillit të Konkurrencës në Shtëpinë e Bardhë, Biden u pyet nga korrespodenti i Fox News, Peter Doocy, nëse mund ti bënte një pyetje në lidhje me inflacionin dhe nëse kjo është përgjegjësi politike.

“Kjo është përparësi e madhe, më shumë inflacion,” u përgjigj biden me sarkazëm, dhe duke mos e ditur se mikrofoni vazhdonte të ishte i ndezur shtoi:

“Sa i trashë biri kurvës!”

Pa kaluar as një orë, mësohet se Presidenti Biden e ka thirrë në celular gazetarin Peter Doocy duke i thënë se “kjo nuk ishte asgjë personale”!

Ndryshe, çmimet në muajin dhjetor në SHBA janë rritur dukshëm, duke shënuar rritjen më të madhe të inflacionit në 40 vitet e fundit.