Gënjen edhe në OKB, Bërnabiç: Serbia po mundohet ta mbyllë Kutinë e Pandorës të cilën e hapi Kosova

E hapi dhe e shkërmoqi Kutinë e Pandorës në vitin 1989, e shkatërroi dhe e përgjaku Kosovën dhe Jugosllavinë, dhe sot Serbia prezantohet në Asamblenë e Përgjithshme të OKB-së si viktimë, si më paqësorja dhe në fund, në mungesë të zërit shqip për Kosovën në OKB, si akuzuese e Kosovës. Ky ishte thelbi i fjalimit të kryeministres së Serbisë, Ana Bërnabiç, në Asamblenë e 72-të me radhë të Kombeve të Bashkuara, ku e filloi me ndryshimet klimatike në botë, foli për reformat e mëdha të shtetit serb dhe gjithë fjalimin e kishte dekoruar me përpjekjet e saj paqësore në Kosovë dhe akuzat kundër palës shqiptare, për ti vënë qershi kësaj torte serbe me digjitalizimin.

Po çfarë tha Bërnabiç që zuri vend tek, pak më shumë se gjysma e vendeve të OKB që vazhdojnë të jenë skeptike ndaj pavarësisë së Kosovës.

“Mua shpesh më pyesin, kur të tjerët po braktisin Bashkimin Evropian, kur aq shumë dyshohet në projektin BE, pse hyrja në Union duhet të jetë qëllimi juaj strategjik? Këtë pyetje ja bëjë shpesh vetes,” ja kështu e fillon fjalimin, pas hyrjes standarde, kryeministrja e Serbisë, Ana Bërnabiç duke i bërë me dije gjithë botës së qytetëruar që e ka pranuar pavarësinë e Kosovës, se kush është Serbia, por ajo fjalimin e kishte qëndisur për gjysmën tjetër, që nuk e pranon këtë shtet dhe aktualisht mbronë qëllimet e Serbisë.

Por ka një gjë të mirë që BE e ka, dhe e kishte zbuluar e dërguara e Aleksandar Vuçiçit në OKB.

“Nuk është ekonomia, as tregtia, as tregu më i madh. Kjo është paqja,” thekson Brnabiç, Bashkimi Evropian është projekt paqësor dhe për ti arsyetuar gjithë ato ndihma prej miliarda eurove që BE i jep këtij shteti kriminal, kryeministrja e këtij vendi e quan projekt të suksesshëm paqësor.

Ajo theksoi paqen dhe bashkëpunimin rajonal edhe pse për të dyja këto është e angazhuar për ti bllokuar. Tha se ky rajon është i njohur për “viktimizim, beteja poetike, qefmebtje tradicionale,” edhe pse këto janë vetëm karakteristika të Serbisë që nxitën këtë shtet ta përgjak jo vetëm veten e vet por gjithë Ish-Jugosllavinë ndërkohë shtoi se Serbia po mundohet ti lë pas të gjitha çfarë kanë ndodhur:

“Që të jetë më e arsyeshme dhe më pak emocionale, më pragmatike dhe shumë më pak e prokupuar me mite, krenare për fitoret e saj dhe jo me humbjet, vend i cili krijon miqësi të papritura në vend të qefmbetjeve tradicionale.”

Dhe patjetër në këtë fjalim zuri vend edhe ai që mungonte, ai që shfaqi qefmbetje me liderët perëndimor pse nuk e ndihmuan ta shkëtëroj shtetin e Kosovës, Aleksandar Vuçiç. Bërnabiç tha se në luftën e brendshme, Vuçiç po udhëheqë drejtë këtij qëllimi, që të rritemi dhe të lëmë të kaluarën dhe të kthehemi nga e ardhmja.

Dhe shikoni cila është e ardhmja e kryeministres së Serbisë me Vuçiçin në krye, kur Kosovënë e quan Krahinë Autonome dhe njëkohësisht e pranon se gati e kanë pranuar gjysma e anëtareve të OKB:

“Unë para së gjithash flas për çështjen e Krahinës tonë Autonome të Kosovës, e cila edhe Kombet e Bashkuara i ka ndarë në dysh – më pak se gjysma e vendeve anëtare të OKB e kanë pranuar pavarësinë e Kosovës, dhe më shumë se gjysma, përkatësisht rreth 5 miliardë njerëz në botë, refuzon ta pranoj shkëputjen e paligjshme të Kosovë,” tha ajo me fjalorin e Enver Hoxhës, i cili fliste se sa është popullsia e Shqipërisë me Kinë së bashku.

Në fund iu kthye përpjekjeve të Serbisë, në vitin e fundit në Kosovë, tokën e së cilës e ka përgjakur aq shumë sa ende nuk është tharë edhe pse kanë kaluar 20 vjet nga lufta e fundit. Por as kjo nuk ka turp, dhe nuk ka si të ketë, serbe është:

“Ajo që Serbia po bënë përpjekje në vitin e fundit është që ta mbyll Kutinë e Pandorës, të cilën e ka hapur Prishtina para 10 viteve, kur autoritetet në Prishtinë shpallën pavarësinë e Kosovës, dhe një numër i vendeve nxitoi ta pranoi pavarësisht të drejtës ndërkombëtare dhe standardeve,” tha Bërnabiç duke broçkullis për trazirat e vitit 2004, standardet para statusit dhe zhvillime të tjera në Kosovën e pasluftës me UNMIK-un dhe EULEX, duke harruar se Kutinë e Pandorës ishte Serbia që e hapi në vitin 1989, dhe shkeli  të drejtën ndërkombëtare edhe të kësaj Krahine Autonome për të cilën foli kryeministrja e shtetit më kriminal në Evropë, dhe sot ankohet për mosrrespektimin e Marrëveshjes së Brukselit  nga ana e Kosovës. E ku ka vend më të mirë se në OKB, të ankohesh:

“Ne do të insistojmë në zbatimin e Marrëveshjes së Brukselit  dhe themelimit të Asociacionit të komunave serbe, dhe do të vazhdojmë të jemi tolerant dhe të durueshëm,”  tha ajo duke mos fol se çfarë nuk ka përmbushur Serbia ndërsa shtoi:

“Sot mund të t’ju them, pavarësisht se sa e vështirë, dhe e vështirë është, pavarësisht se sa sfidë e madhe që është, dhe është, pavarësisht se dialogu me Prishtinën ndonjëherë është i pashpresë dhe shterp, ne do të angazhohemi në gjetjen e kompromisit përmes të cilit do të garantojmë paqe të qëndrueshme, përparim dhe të ardhme të ndritur  për të gjithë popujt në rajon,” tha Bërnabiç duke shitur pak paqe dhe mirësi, dhe duke e mbyllur me përçmim ndaj shqiptarëve, arsye kjo, tha ajo, pse Serbia i kërkon ndihmë bashkësisë ndërkombëtare për dialog me Kosovën :

“Serbia do të vazhdoj të shpreh gatishmëri për kompromis, gjë që nuk është e lehtë, por, për këtë rasye na duhet partneri, politikisht i guximshëm, i përgjegjshëm, i përkushtuar dhe i besueshëm, dhe dëri më të tani, nuk e kemi.”