Gënjeshtrat ruse për rolin e NATO-s në Ballkan, Ambasadorja amerikane paralajmëron Serbinë
Çështjet kryesore të takimit të krerëve të shteteve anëtare të NATO-s që pritet të zhvillohet në muajin korrik në Washington do të jenë ndarja e buxheteve për mbrojte dhe ndihma për Ukrainën, tha sot Ambasadorja amerikane në NATO, Julianne Smith.
“Theks i veçanta, në veçanti nga ana e Shteteve të Bashkuara do të jetë shpërndarja e ngarkesës për mbrojtje. Kjo është një çështje shumë e rëndësishme dhe dëshirojmë të përçojmë mesazhin tek opinioni jonë se Amerika e mbanë mend se pse u krijua kjo Aleancë, dhe pse edhe sot është relevante,” tha Ambasadorja Smith gjatë një bisede me disa gazetarë të Evropës Juglindore.
Duke u përgjigjur për situatën e sigurisë në Evropën Juglindore, Amabasadorja amerikane në NATO tha se Shtetet e Bashkuara mbështesin aspiratat euroatlantike të këtyre vendeve
Tre shtetet, Shqipëria, Maqedonia e Veriut dhe Mali i Zi, që janë anëtare të NATO-s janë duke zhvilluar negociata për anëtarësim në Bashkimin Evropian dhe Shtetet e Bashkuara kanë vullnet që ti ndihmojnë në këtë rrugëtim.
Sa i përket Serbisë, Ambasadorja Smith tha se është e drejta e saj sovrane të vendos nëse dëshiron ti bashkohet ose jo NATO-s.
“Por, dera jonë është e hapur nëse në një momoent në të ardhmen, dëshiron ti kthehet anëtarësimit,” tha Smith duke paralajmëruar Beogradin për marrëdhëniet me Kinën dhe Rusinë ndërsa foli për rreziqet dhe sfidat që mbartin lidhjet me kompanitë kineze dhe kohën e papërshtatshme që është sot për thellimin e marrëdhënieve me Rusinë.
“Ka shumë dezionformata. Për këtë arsye është e rëndësishme që të bashkëpunojmë shpesh dhe hapur me partnerët tanë në rajon se si mund të përballemi me dezinformatat ruse që sugjerojnë se NATO po luan një rol të padobishëm në Ballkani Perëndimor ose që NATO është e angazhuar drejtëpërsëdrejti në Ukrainë, edhe pse ky nuk është rasti. Rusia dëshiron të përhap shumë gënjeshtra për rolin e NATO-s në Ukrainë dhe rolin e NATO-s në Ballkanin Perëndimor,” shtoi Smith.
Në fund, Ambasadorja amerikane në NATO, Julianne Smith, tha se Shtetet e Bashkuara mbështesin hapur kryeministrin holandez Mark Rutte për Sekretarin e Përgjithshëm të ri të NATO-s ndërsa debati rreth trashëgimtarit të Jens Stoltenberg vazhdon. Përveç Rutte, kandidati zyrtar është presidenti rumun, Klaus Iohannis.
