“Gërdeci”, gjyqtarja Irena Gjoka heq dorë nga gjykimi i çështjes ndaj Fatmir Mediut 

Gjyqtarja e Gjykatës së Posaçme, Irena Gjoka, deklaroi në seancën gjyqësore ndaj Ish-Ministrit të Mbrojtjes Fatmir Mediu, i cili është i pandehur për tragjedinë e 15 marsit 2008 në Gërdec, se do të paraqesë kërkesën për heqje dorë nga gjykimi i çështjes.

Kërkesa, sipas procedurës, do t’i paraqitet Zv/Kryetarit të Gjykatës së Posaçme, për shkak se Irena Gjoka pretendon se nuk mundet të vijojë shqyrtimin e dosjes penale, pasi ka qenë gjyqtare e seancës paraprake.

Sipas ligjit, Zv/Kryetari e shqyrton kërkesën e Irena Gjokës dhe nëse kjo kërkesë pranohet, procesi ndaj Ish-Ministrit Fatmir Mediu rikthehet nga e para.