“Gërdeci”, Ish-Ministri i Mbrojtjes, Fatmir Mediu, kërkon përjashtimin e gjyqtares Irena Gjoka

Ish-Ministri i Mbrojtjes, Fatmir Mediu, ka kërkuar përjashtimin e gjyqtares Irena Gjoka nga shqyrtimi i çështjes së tij në themel në lidhje me dosjen “Gërdeci”.

Përmes avokatit, duke iu referuar një vendimmarrjeje të Gjykatës së Lartë të muajit korrik 2025, Fatmir Mediu pretendon se gjyqtarja Irena Gjoka nuk mund të jetë gjyqtare e çështjes.

Kjo vendimmarrje, sipas avoaktit, përcakton se një gjyqtare që ka vepruar në fazën paraprake të procedurës nuk mund të jetë pjesë e trupit gjykues në shqyrtimin në themel të çështjes, përveç rasteve kur procedohet me gjykim të shkurtuar.

Avokati e argumenton këtë kërkesë, se në rastin konkret të Fatmir Mediut, procesi po zhvillohet me gjykim të zakonshëm, çka përbën papajtueshmëri procedurale për vijimin e shqyrtimit nga e njëjta gjyqtare.

Ndryshe, kërkesa për përjashtim pritet të shqyrtohet nga trupa përkatëse gjyqësore, e cila do të vendosë mbi vlefshmërinë e pretendimeve të paraqitura nga pala mbrojtëse.