“Gërdeci”, SPAK i komunikon akuzën për shpërdorim detyre, Mediu: Akuzë politike!

Me përfundimin e hetimeve për tragjedinë e Gërdecit nga SPAK, Ish-Ministri i Mbrojtjes, Fatmir Mediu, tha se Prokuroria e Përgjithshme i ka komunikuar të njëjtën akuzë si në vitin 2019, shpërdorimin e detyrës.

“Dua të bëj me dije që më është prezantuar e njëjta akuzë më të njëjtët prokurorë. Mu komunikua shpërdorim detyre, por po ua them që kam kërkuar që në fillim të them dhe asnjëherë nuk jam pyetur.

Motivimi politik është në akuzë, nuk është urdhri i ministrit që ka krijuar problemin. Ajo që mu paraqit është fashikull që më është paraqitur edhe më parë. Qëndrimi im është që nuk e pranoj këtë akuzë, jam i pafajshëm.

Në dijeni për vendin kanë qenë të gjithë. Një muaj ka qenë një mbledhje me ekipin amerikan ku është cilësuar si një nga strukturat më të mira Gërdeci në demontimin e municioneve, kush mund ta certifikojë një proces ushtarak? Ministri?” tha Fatmir Mediu pas rreth një ore qëndrimi në SPAK ku i është komunikuar akuza, duke përfunduar:

Një proces kërkonte që ministri të pyetet sa kohë ka një akuzë, unë kam kërkuar dhe jam i gatshëm t’i përgjigjem SPAK sa herë të kërkojë për çdo dokument që kam firmosur.”