Gjashtë ditë pas atentatit/ Ndërron jetë shoferi i prokurorit Arjan Ndoji, Andi Maloku

Gjashtë ditë pas atentatit, ka ndërruar jetë në Spitalin e Traumës në Tiranë, shoferi i prokurorit Arjan Ndoji, 24-vjeçari Andi Maloku. Ai u qëllua me breshëri kallashnikovi, ndërsa tre plumba i prekën trupin, dy në mushkëri dhe një në shtyllën kurrizore.

Andi Maloku ndodhej te Spitali i Traumës që prej 1 nëntorit, ku iu bë atentat te mbikalimi i Shkozetit, teksa udhëtonte në makinë me prokurorin Arjan Ndoji dhe Pëllumb Muharremin alias Aleksandër Lahon, i njohur edhe si “Rrumi” i Shijakut.

Në atentat mbetën të plagosur edhe prokurori Arjan Ndoj e “Rrumi” i Shijakut, i cili sipas policisë, rezulton të jetë i njohur për botën e krimit.