Gjatë pandemisë, Reuters: Në Rusi ka 400 mijë raste të vdekjeve më shumë!

Nga prilli i vitit 2020 deri në marsin e vitit 2021, gjatë pandemisë COVID-19 në Rusi kishte 400 mijë raste të vdekjeve më shumë, raporton Agjencia e lajmeve Reuters bazuar në përllogaritjet e saj.

Numri më i madh i vdekjeve kryesisht përcaktohet si diferencë në mes të numrit të vdekjeve që janë regjistruar në periudhën e catuar dhe pritshmërisë së numrit të vdekjeve në të njejtën periudhë.

Përkatësisht, vdekshmëria më e madhe gjatë pandemisë përllogaritet duke krahasuar numrin e vdekjeve gjatë COVID-19 me nivelin e vdekshmërisë në muajt e njejtë të viteve të kaluara. Shumë demograf konsiderojnë se ky është treguesi më i mirë se sa jetë ka marrë pandemia COVID-19.

Shifrat zyrtare: 110 mijë të vdekur nga koronavirusi

Sipas Agjencisë ruse të Statistikave, Rosstat, nga prilli i vitit të kaluar deri në marsin e vitit 2021, Rusia ka regjistruar rreth 250 mijë raste të vdekjeve që lidhen me COVID-19. Vdekshmëria ishte 25 për qind më e lartë në marsin e vitit 2021 se sa në periudhën e njejtë të vitit të kaluar.

Rosstat gjithashtu raporton se muajin e kaluar kanë vdekur rreth 191 mijë njerëz më shumë, duke përfshirë këtu edhe 23.715 njerëz për të cilët dihet se kanë vdekur pas infektimit me COVID-19, shkruan Reuters, duke konstatuar se vdekshmëria më e lartë në këtë periudhë në Rusi ka kaluar shifrën 400 mijë.

Ndryshe, sipas të dhënave zyrtare, në Rusi deri më tani janë regjistruar 4.805.288 raste të infektimit dhe 110.128 raste të vdekjes nga koronavirusi.