Gjelat kakarisin mbi stadiumin e lëvruar, Shqipëri-Francë 0:2

E vetmja gjë e vlefshme që ofroi sonte Shqipëria në përballjen me Francën ishte stadiumi i ri “Air Albania Stadium” me plot 22 mijë tifozë që mbështetën djemtë kuqezinj përballë kampionëve të botës . Sepse Franca ka mposhtur Shqipërinë me rezultatin 0:2, pas përballjes që është më mirë të harrohet sa më shpejtë.

Loja ishte e barabartë vetëm 9 minuta, pasi Toliso goditi saktë nga brenda zonës, duke kaluar në epërsi skuadrën e Deshamp. Për golin e dytë mendoi futbollisti i Barcelonës, Grizman, i cili nuk fali nga brenda zonës.

Një pjesë e parë e dominuar nga kampionët e botës, ndërkohë që në fragmentin e dytë të lojës, kuqezinjtë bënë një paraqitje dinjitoze, duke provuar të shënojnë, por pa sukses!

Shqipëri-Francë 0:2

Toliso 9′, Grizman 30′ 

Gjyqtarë: Slavko Vinçiç, Tomaz Klançnik, Andraz Kovaçiç, Nejc Kajtazoviç (i katërt)