Gjenden mbetje mortore në Prekaz, dyshohet që janë në listën e të zhdukurve

Komisioni Qeveritar për Persona të Zhdukur ka bërë të ditur se pas gërmimeve në lokacionin e varrezave në Prekaz kanë zhvarrosur mbetje mortore të viktimave që mund të jenë në Listën e Personave të Zhdukur.

Komisioni Qeveritar për Persona të Zhdukur përmes një njoftimi në rrjetin social Facebook thekson se pas disa orë gërmimeve, ekipet kanë hasur dhe zhvarrosur mbetje mortore të viktimave që mund te jenë në Listën e Personave të Zhdukur.

“Gërmimet po vazhdojnë ende dhe në do t’iu njoftojmë pas rezultateve të ADN-së për identifikimet e mundshme të këtyre trupave!”

Ndryshe, pas gërmimeve në lokacionin Arbanë, Prizren, gjatë ditës, ekipet e Komisionit Qeveritar për Persona të Zhdukur, Institutit të Mjekësisë Ligjore dhe Drejtorisë së Policisë për Hetimin e Krimeve të Luftës, kanë vazhduar gërmimet edhe në lokacionin e varrezave në fshatin Prekaz, Skenderaj.