Gjenerali amerikan i shkruan vartësve: Deri 2025 jemi në luftë me Kinën. Përgatituni!

Gjenerali i forcave ajrore amerikane i ka dërguar një shkresë oficerëve që ai i komandon ku parashikon që SHBA do jetë në luftë me Kinën për dy vjet dhe u thotë të përgatiten.

Në shkresën e cila është dërguar dje, dhe të cilën e publikoi media amerikane NBC News, gjenerali Mike Minihan, shefi i Komandës së mobilizimit ajror, thuhet:

“Shpresoj se po gaboj. Ndjesia ime më thotë se do luftoj në vitin 2025.”

Komanda e mobilizimit ajror ka rreth 50.000 pjesëtarë dhe 500 avionë dhe është përgjegjëse për transportin dhe furnizimin me karburant.

Gjenerali Minihan në memorandum thotë se meqë Taiwani dhe SHBA kanë zgjedhje presidenciale në vitin 2024, SHBA do jetë e penguar, e presidenti kinez Xi Jinping do ketë rastin të inicoj një pushtim në Taiwan. Tutje, ai thotë se qëllimi është të përgatitemi për luftë rreth zinxhirit të ishujve.

Memorandumi i firmosur i është dërguar gjithë komandantëve të forcave ajrore pjesë të Komandës së mobilizimit ajror dhe komandantëve të tjerë operativ të forcave ajrore. Në tekst ata urdhërohen që më 28 Janar të raportojnë se çfarë hapa kanë ndërmarrë.

Pas publikimit të këtij lajmi një zyrtar i Ministrisë së Mbrojtjes është shprehur se komentet e publikuara nuk paraqesin qëndrimin e kësaj ministrie mbi Kinën.

“Kjo është një shkresë autentike e brendshme e gjeneralit Minihan dërguar vartësve të tij. Urdhri i tij ndërlidhet me përpjekjet e vitit të kaluar të Komandës së mobilizimit ajror që forcat ajrore të mobilizimit të bëhen gati për konfliktin e ardhshëm, nëse shpërqendrimi nuk ka sukses,” shtoi ai ndërkohë gjenerali Patrick Ryder, rreth rrjedhjes së këtij memorandumi shprehet:

“Strategjia e mbrojtjes kombëtare tregon qartë se Kina është sfida kryesore për Ministrinë e Mbrojtjes dhe fokusi jonë mbetet të punojmë së bashku me aleatët dhe partnerët në ruajtjen e paqes, Indo-Paqësorit të lirë dhe të hapur.”