“Gjenerali” pa uniformë kërcënon Bashën: E vetmja rrugë dorëheqja. Vrima e miut 500 grosh!

Demokratët e njohin nga deklaratat e partisë së tyre për gjatë viteve 1997-2001, me artikulim të fortë në uniformën e gjeneralit grek edhe pse kur PD erdhi në pushtet e panë të jetë shefi civil i gjeneralëve shqiptarë, Ministër i Mbrojtjes. Po, fjala është për Arben Imamin, i cili sot si pjesë e “Grupit për PD” pasi i tha Lulzim Bashës se vrima e miut do të jetë 500 grosh nëse e ka menduar koalicionin me PS-në, i bëri të qartë se e vetmja rrugë është dorëheqja.

“Po i them këtu Lulzim Bashës do të jetë vrima e miut 500 grosh në qoftë se mendon që me koalicion me PS-në, me zgjatje jo u vodhën votat, jo dy hyjmë në Parlament jo nuk do hyjmë në Parlament, do ti futet një fushate. E vetmja rrugë e drejtë, e ndershme, e moralshme është dorëheqja që i shërben partisë, përndryshe do të ketë ndeshje dhe do të ketë ndeshje serioze deri në fund. Politike. Nuk është ndeshje demash,” tha Arben Imami duke kërcënuar Lulzim Bashën se janë në momentin që po i kërkojnë thirrje arsyes.

“Po thërrasim arsyen. Arsyeja thotë ke humbur dy palë zgjedhje dhe të tjerat po ashtu lokalet, është e arsyeshme, është e mirë për partinë, për vendin. Janë qëndrime morale që mbahen nga çdo njeri që ka lindur në Europë 200 vitet e fundit. E vetmja rrugë pas dy palë zgjedhjesh të humbura është largimi dhe respekti për atë që bën një akt të fundit të tillë. E mbani mend sa u rrit respekti për Fatos Nanon në momentin që dha në mënyrë civile dorëheqjen. E mbani mend që bëri të njëjtën gjë me shumë përgjegjshmëri politike e bëri Sali Berisha,” tha Ish-Ministri i Mbrojtjes, Arben Imami, duke kujtuar në fund dhe luftën:

“Pas ezaurimit të kësaj faze do të bëhet deri në fund lufta!”