Gjenerata e Inovacionit dhe faji i Saliut!
nga Agim Popoci
Me zgjedhjet e 11 Majit, Kryeministri i Pekishtit, Vorës dhe gjithë Shqipërisë, Edi Rama, dëshmoi se mund të premtoi anëtarësimin e atdheut të shqiptarëve në BE edhe kur partia e tij vjedhë vota, ndërsa Gjenerata e tij e Inovacionit që vodhi këto vota mund të vazhdojë me akuzën, fajet i ka Saliu!
Skenari ishte përsëritje e shëmtuar e llumit komunist! Ende pa u gdhirë dita e radhës së kutive që u hapën për të numëruar, filluan altoparlantët e Edi Ramës të gumëzhitin se Saliu duhet të jap dorëheqje!
Po këtij Saliu të cilit Edi Rama si lider i opozitës i kërkoi në vitin 2009 dorëheqje nga posti i Kryeministrit duke e akuzuar se i ka vjedhur votat, të hap kutitë ose të largohet; Dhe, sot, si Kryeministër i kërkon Saliut si lider i opozitës të cilit i ka vjedhur votat, të jap dorëheqje, sepse, thjeshtë, fajet i ka Saliu!
Për të kuptuar pse nga dita që u tërhoq zvarrë busti i diktatorit Enver Hoxha, fajet i kishte Saliu, pse Edi Rama dhe partia e tij nuk bëri asnjëherë të vetme zgjedhje të lira dhe të ndershme, pse ai kërkoi si lider opozitar hapjen e kutive ndryshe i kërkoi Kryeministrit Sali të largohet, pse kur hapjen e kutive e kërkojnë sot kandidatët për deputetë të Partisë Socialiste dhe ai si Kryeministër u thotë të ngjashmëve se kutitë nuk do të hapen dhe mund të largohen, dhe, pse Edi Rama gënjen kur u thotë shqiptarëve se “kur kjo parti nuk ka qenë, as Shqipëria s’ka qenë mirë”, na ndihmon Gjenerata e Inovacionit përkatësisht ajo që drejton këtë projekt dhe vjedhë me çantë vota, dokumenta ose lekë, vetëm ajo e dinë se çfarë, dhe ia fut vrapit!
Po, fjala është për Drejtoreshën e Agjencisë së Inovacionit dhe Ekselencës, Enkelejda Imeraj, e cila nuk është thjeshtë pjesë e një ekipi të Edi Ramës që lehë ditën dhe natën se fajet i ka Saliu, dhe vjedhë gjithçka duke përfshirë dhe votën!
Jo! Dhe, këtë duhet ta kuptoj edhe vetë Saliu, sepse nuk bëhet fjalë thjeshtë për një pushtet komunist me dhunti të të gjitha krimeve duke përfshirë dhe krimin elektoral!
Kur Opozita zgjohej dhe thoshin “rrush”, Ne kishim mbushur “koshat”, tha mbrëmë Edi Rama në ceremoninë e fitores në Pallatin Mbretëror me Zegjinenë, duke i dhënë përgjigje edhe enigmës se kush vjedhë vota, dhe se ku hynë në këtë mes Gjenerata e Inovacionit dhe drejtoresha e kësaj gjenerate!
Shumë demokratë të zemëruar me rezultatin e 11 Majit, sot, mund të jenë nisur rrugës së dorëzimit duke filluar ti binden propagandës së Edi Ramës se “fajet i ka Saliu” ndërsa e arsyetojnë zemërimin e tyre pse Saliu lejoi vjedhjen e votave, por, vetë ata si gjithë ajo botë që nuk i beson komunistët me asnjë çmim, duhet ta kuptojnë se si mund të parandalohet krimi elektoral nga një person si Drejtoresha e Agjencisë së Inovacionit dhe Ekselencës, Enkelejda Imeraj, dhe të tillë janë me mijëra, dhe, çfarë nënkuptojnë kur thonë se kanë sakrifkuar!
Sot, demokratët mund ta kenë harruar Enkelejda Imerajn kur u filmua më 11 Maj duke dalë nga Zyra ilegale e Erion Braçes dhe iku me vrap ndërsa pritej të vinte policia e Edi Ramës!
Por, ajo nuk mbiu papritmas, ajo ishte gjithmonë aty dhe për këtë kujdesej Sigurimi i Shtetit! Edhe për vitin e errët 1996 kur fajet i kishte Saliu dhe drejtoresha aktuale e Inovacionit ishte Administratore e sistemeve të rrjetit në Ambasadën Amerikane në Shqipëri deri në vitin 1998, pasi komunistët i vunë flakën Shqipërisë dhe u rikthyen në pushtet!
Si vazhdoi formësimin profesional në SHBA si Inxhiniere, Menaxhere dhe Konsulente në kompanitë Siebel Systems, Oracle, Salesforce dhe Splunk, dhe pse u kthye në Shqipëri pas 25 vitesh ku ka mbajtur pozicione të larta në kompanitë më të shquara në Amerikë si Silicon Valley, Kalifornia, kur sërish komunistët e morën pushtetin në Shqipëri, shumë prej të rinjve normal nuk mund ta kuptojnë, ca mund ta quajnë edhe sakrificë, por, Gjenerata e Inovacionit si krijesë e Sigurimit të Shtetit i sqaron të gjitha, dhe, nuk është fjala vetëm për krim në një proces elektoral si ai 11 Majit, as për një bandë patronazhistësh që i shërbejnë Partisë, por, për një rrezik të madh për kombin shqiptar!
Pse Drejtoresha e Agjencisë së Inovacionit dhe Ekselencës është bërë pjesë e një krimi elektoral është thjeshtë formësimi i saj familjar dhe ndoshta edhe nuk mund të fajësohet për këtë gjë, por, kur thotë “fajet i ka Saliu”, Enkelejda Imeraj dhe të ngjashmëve të saj iu duhet thënë, Stop!
Sot, askush nuk mund ta ndaloj Enkelejda Imerajn të vendos nëse do të jetë viktimë ose nxitëse e ndryshimit, sepse siç thotë investitori global, themeluesi i 10 bizneseve të teknologjisë së lartë dhe filantropi Kamran Elahian, gjithçka ka të bëjë me mënyrën e të menduarit, por, sot, të gjithë duhet ta ndalojnë tashmë një Gjeneratë që ka krijuar bindjen se në emër të Inovacionit ka të drejtën të vendos se kush mund të voton dhe kush jo, ndryshe, fajet i ka Saliu!
Dhe, në fund, lidershipi i Partisë Demokratike dhe vetë Sali Berisha duhet të kujdesen për këtë lloj “Gjenerate” që po shkatërron shoqërinë shqiptare, dhe, nuk zhbëhet dot duke perfeksionuar Kodin Zgjedhor, ndërsa drejtuesja e Agjencisë së Inovacionit dhe Ekselencës, Enkelejda Imeraj, dhe shefi i saj Edi Rama duhet ta kenë të qartë pavarësisht se çfarë u zien në kokën e tyre të kalbur komuniste nga viti 1945 dhe mendojnë për demokratë e ballistë, atë që shumë kohë më parë e ka thënë Gjenerali në Ushtrinë e Shteteve të Bashkuara, anëtari i Dhomës së Përfaqësuesve të SHBA-së dhe Presidenti i njëzetë i Amerikës, James Abram Garfield:
“Të japësh të drejtën e votës një burri me ngjyrë në këtë vend nuk është inovacion, por një restaurim. Është një kthim te parimet e lashta dhe praktikat e të parëve.”
