Gjeni vrimë për Andin e Ndrenikën, dhe jo vetëm…

Plotë 45 vjet kanë bërë krime, dhe pa kërkuar falje sot mbrojnë dhe akuzojnë ata që kanë përqeshur, përbuzur, përdhunuar, keqtrajtuar dhe vrarë! Dhe kur u prishen interesat personale nuk denjojnë të akuzojnë edhe njëri tjetrin në mënyrë më të paskrupullt edhe pse kemi të bëjmë me racë kriminelësh të një lloji. Komunistë!

Sot i biri i Mehdi Bushatit, njëri ndër kriminelët e pashembullt në vendet e bllokut komunistë, Andi Bushati, bënë opinionin, përcakton se kur Fatos Nano është i mirë dhe kur duhet ikur, kur kryeministri më antiopozitar i të gjithë kohërave shqiptare, Ilir Meta, është i mirë dhe kur ai duhet çuar në burg, pse nuk bënë Saimir Tahiri për ministër të Brendshëm dhe bënë Fatmir Xhafaj, pse përgjimi i Dritan Priftit me Iliri Metën është i besueshëm e ai Babales me Agron Xhafajn jo, kur Sali Berisha është kriminel dhe kur Edi Rama, dhe së fundi pse artistët dikur ishin të dinjitetshëm dhe sot jo!

Në vorbullën e kësaj Shqipërie kriminale, të cilën me dorën e vetë e krijoi i ati i Andit me shokë, hapsirë për reagim gjeti edhe kjo e fundit, pse aktorët që iu bindën Erion Veliajt na qenkan pa dinjitet, ose siç shkruante pena e përgjakur e Andit, “aktorë dredharakë”.

Në fakt, për ata që e kanë lexuar shkrimin e Andit e kanë të qartë se kot e ka Robert Ndrenika që nxehet, se ai nuk është se ka fyer artistët që dolën në krah të Veliajt. Po nuk i fyen dot edhe sikur t’ia do zemra sepse është vetë i asaj race të qelbur, i një fisi, komunistë, deshi apo jo Ndrenika. Analist me “k” ose jo, i çuar ose impotent, Zotëri apo Zonjë, pak rëndësi ka, komunist sikur  Ndrenika. Kjo është më e keqja e këtij teatri kriminal që ndërtoi partia e Andit dhe Ndrenikës!

Dhe ndërsa njerëzit shohin nën tryezë se mos ju ka rënë ndonjë kafshatë e bukës sepse ju mungon mbi tryezë, debati ndërkomunist bëhet për luftën intransigjente kundër komunizmit! Cilit komunizëm?! Këtij kloni të frikshëm që nuk e pëlqejnë me raste Andi ose Ndrenika apo atij që e ndërtoi Mehdiu me Robertin!

Në këtë klonin aktual komunist Ndrenika porositë Bushatin “të gjej vrimë ku të futet” edhe pse që  të dy për një vrimë janë. Madje jo vetëm ata! Vrima duhet hapur pak më e madhe që  të ketë vend edhe për ata që keqtrajtuan dhe vranë siç bëri Mehdi Bushati, dhe nuk denjoi ta bëjë as me fëmijët e shokut të vet kriminel të të luftës, Tuk Jakova; Dhe, për llojin e Robert Ndrenikës të cilin kemi rastin ta shohim edhe sot në TV-të, që për fat të keq, që të gjitha janë në duart e komunistëve dhe pinjollëve të tyre, duke përqeshur dhe përbuzur Qazim Mulletin për shembull, edhe pse asnjeri në fisin e tij nuk arriti fisnikërinë e Mulletit. Apo Shokut Zylo i lejohet gjithçka!

Për ata që arsyetojnë krimet artistike gjatë kohës së diktaturës, këtë indoktrinim të pashoq që nuk e bëri as Hitleri dhe Stalini, me faktin se ishin aktor, lehtësisht mund të thuhet se edhe Mehdi Bushati me shokë ishin aktorë, madje edhe të të njejtit regjim me Robertin. Njëri aktronte Qazim Mulletin tjetri Mehmet Shehun. Roberti bënte përpjekje që të dal sa më idiot në mënyrë që shoku Enver të kënaqej me përbuzjen dhe përçmimin e Prefektit të Tiranës, dhe Mehdi Bushati të vras pa mëshirë sikur Mehmeti Shehu në mënyrë që shoku Enver të bindet se Mehmeti ka pasardhës dhe nuk ka pse pendohet që e vrau.

Por është pikërisht ky indoktrinim që sot lejon dhe mirëkupton një debat kur konflikti është ndërkomunist, duke i dhënë hapsirë të frikshme mediatike, qoftë ky edhe për Teatrin Kombëtar. Po, për dy taborre që janë krijuar brenda llojit, me Ramën ose Metën; Për ata me Ramën, që i shqetësuar reagon Ndrenika ndaj shkrimit të Andit, analist me “k” ose jo pak rëndësi ka; Dhe për ata me Metën, që Andit nuk i pëlqen veprimi i Ndrenikës me shokë,  por as nuk pëlqen kryqëzatën e ashpër që po i bëhet “aktorëve dredharakë”. Kjo kryqëzatë Andit i ngjanë me historinë që ai me shokë e ka përjetuar tash sa vite, me përçmimin që kanë treguar për ata që u bënë spiunë në burgjet e komunizmit. Ende dhe sot, thotë Andi, akoma vazhdojmë t’i shohim ata si fajtorët e vetëm, pa u munduar të dënojmë atë mekanizëm dhe ata persona që i detyruan të shkojnë drejt kësaj zgjedhje të skajshme. Sepse, përfundon analisti me “k” i Ndrenikës, si gjithmonë, ne e kemi më të lehtë të tregojmë me gisht viktimën sesa të denoncojmë krijuesin e saj.

Çudi pse nuk pati reagim për këtë që tha në fund Andi dhe që hanë shumë debat! Apo indoktrinimi që ka bërë Ndrenika me shokë, dhe krimet që ka bërë Mehdiu me shokë, e kanë krijuar këtë njeri të ri që nuk lëviz dhe nuk po shqetësohet për viktimat dhe të përndjekurit politikë, qofshin ata edhe nga raca e shokut Enver. Dhe, siç, duket misioni i kësaj race komunistësh nuk ka përfunduar dhe në kokën e tyre po zien edhe një vrimë e madhe ku duhet futur ca njerëz.

Kryeministri i Ndrenikës ka prirje për hapje vrimash, por, sot asnjëri prej tyre nuk e di se pas 45 vjet krimesh, kush është ai që do të futet në këtë vrimë. Projektuesi apo….